India vs England: భారత్- ఇంగ్లాండ్ (India vs England) మధ్య ఈ రోజు లీడ్స్ టెస్ట్ మ్యాచ్ ఐదవ రోజు. మ్యాచ్ ఐదవ రోజున మధ్య మధ్యలో వర్షం అంతరాయం కలిగిస్తోంది. దీని కారణంగా మ్యాచ్ పదేపదే ఆగిపోతోంది. లీడ్స్ టెస్ట్ ఐదవ రోజున మిగిలిన ఆటలో నిరంతరం వర్షం కురిస్తే ఏ జట్టు ఈ మ్యాచ్‌ను గెలుస్తుందనే విష‌యం తెలుసుకుందాం!
లీడ్స్ టెస్ట్ మ్యాచ్‌ను ఎవరు గెలుస్తారు?
భారత్- ఇంగ్లాండ్ మధ్య ఉత్కంఠభరిత పోరు కొనసాగుతోంది. కానీ వర్షం కారణంగా హెడింగ్లీ స్టేడియంలో జరుగుతున్న ఈ మ్యాచ్ పదేపదే ఆగిపోతోంది. మిగిలిన ఆటలో నిరంతరం వర్షం కురిస్తే, మ్యాచ్ జరగకపోతే ఈ భారత్-ఇంగ్లాండ్ మ్యాచ్ డ్రాగా ముగిసే అవ‌కాశం ఉంది. ఈ మ్యాచ్ కోసం రిజర్వ్ డే ఏర్పాటు చేయలేదు. అలాగే అదనపు సమయం కూడా లేదు. ఐదవ రోజు సమయం ముగిసిన తర్వాత ఈ లీడ్స్ టెస్ట్ మ్యాచ్ కూడా ముగిసిపోతుంది.
Also Read: DGCA : ఎయిరిండియా ఘటన ఎఫెక్ట్ : పలు కీలక లోపాలను గుర్తించిన డీజీసీఏ
వర్షానికి ముందు ఇంగ్లాండ్ ఆధిక్యం
భారత్-ఇంగ్లాండ్ మధ్య జరుగుతున్న లీడ్స్ టెస్ట్ మ్యాచ్‌లో ఇంగ్లీష్ జట్టు ఆధిక్యంలో కనిపించింది. వర్షానికి ముందు ఇంగ్లాండ్ ఒక్క వికెట్ కూడా కోల్పోకుండా 181 పరుగులు సాధించింది. బెన్ డకెట్ శతకం, జాక్ క్రాలీ అర్ధశతకం ఇంగ్లాండ్ వైపు మ్యాచ్‌ను మళ్లించాయి.
వర్షం తర్వాత మ్యాచ్ మార్పు
లీడ్స్ టెస్ట్‌లో వర్షం తర్వాత మ్యాచ్ కొంత మారినట్లు కనిపిస్తోంది. ఇంగ్లాండ్ వరుసగా రెండు వికెట్లు కోల్పోయింది. ప్రసిద్ధ్ కృష్ణ భారత్ ఖాతాలో రెండు వికెట్లు వేశాడు. జాక్ క్రాలీ 126 బంతుల్లో 65 పరుగులకు, ఒలీ పోప్ 8 బంతుల్లో 8 పరుగులకు ఔట్ అయ్యారు. ఇంగ్లాండ్ రెండో ఇన్నింగ్స్ స్కోరు 46 ఓవర్ల తర్వాత రెండు వికెట్ల నష్టానికి 248 పరుగులకు చేరింది. ఇంగ్లాండ్‌కు గెలవడానికి ఇంకా 125 పరుగులు అవసరం. అదే సమయంలో టీమ్ ఇండియా గెలవాలంటే ఇంగ్లాండ్ 8 వికెట్లు తీసుకోవాలి. ఒకవేళ మ్యాచ్‌లో వర్షం వస్తే ఈ మ్యాచ్ డ్రా అవుతుంది.