India vs Bangladesh: సుదీర్ఘ విరామం తర్వాత భారత జట్టు మళ్లీ మైదానంలోకి అడుగుపెట్టనుంది. టీమిండియా బంగ్లాదేశ్ (India vs Bangladesh)తో 2 మ్యాచ్‌ల టెస్ట్ క్రికెట్ సిరీస్ ఆడబోతోంది. ఇందులో మొదటి మ్యాచ్ ఈ రోజు చెన్నైలోని చెపాక్ మైదానంలో జరుగుతుంది. సొంత మైదానంలో పాకిస్థాన్‌ను 2-0తో ఓడించిన బంగ్లాదేశ్ క్రికెట్ జట్టు ఈ సిరీస్‌పై ప‌ట్టుద‌ల‌తో ఉంది. అదే సమయంలో ప్రపంచ టెస్ట్ ఛాంపియన్‌షిప్ కోణం నుండి ఈ మ్యాచ్ భారత క్రికెట్ జట్టుకు కూడా చాలా ముఖ్యమైనది. ఈ మ్యాచ్ ఏ సమయంలో ప్రారంభమవుతుంది..? ఈ మ్యాచ్‌లో ప్లే-11 ఎలా ఉంటుందో ఈ నివేదికలో తెలుసుకుందాం. అలాగే ఈ మ్యాచ్‌ని ప్రేక్షకులు ఎక్కడ, ఎలా చూడగలరో కూడా తెలియ‌జేస్తాం.
మ్యాచ్ ఏ సమయానికి ప్రారంభమవుతుంది..?
భారత్, బంగ్లాదేశ్ మధ్య ఈ మ్యాచ్ చెన్నైలో ఉదయం 9:30 గంటలకు ప్రారంభమవుతుంది. కాగా మ్యాచ్ టాస్ ఉదయం 9 గంటలకు జరుగుతుంది. వర్షం కురిస్తే కాస్త ఆలస్యమయ్యే అవకాశం ఉంది.
Also Read: Asaduddin Owaisi : ‘వన్‌ నేషన్‌.. వన్‌ ఎలక్షన్‌’ ఫెడరలిజాన్ని నాశనం చేస్తాయి
ఈరోజు చెన్నై వాతావరణం ఎలా ఉంది?
Accuweather.com ప్రకారం.. ఈరోజు చెన్నైలో 46 శాతం వర్షం పడే అవకాశం ఉంది. పగటిపూట గరిష్ట ఉష్ణోగ్రత 35 డిగ్రీల సెల్సియస్‌గా ఉండి, కనిష్ట ఉష్ణోగ్రత 27 డిగ్రీల సెల్సియస్‌కు చేరుకునే అవకాశం ఉంది.
మీరు మ్యాచ్ ఎక్కడ చూడవచ్చు..?
భారత్, బంగ్లాదేశ్ మధ్య జరిగే ఈ మ్యాచ్‌ను స్పోర్ట్స్-18 ఛానెల్‌లో చూడవచ్చు. ఇది కాకుండా వీక్షకులు మొబైల్‌లో జియో సినిమా యాప్‌లో మ్యాచ్ ప్రత్యక్ష ప్రసారాన్ని కూడా ఉచితంగా చూడవచ్చు. ఈ మ్యాచ్ హిందీ, ఇంగ్లీష్, ఇతర స్థానిక భాషలలో ప్రసారం చేయ‌నున్నారు.
తొలి టెస్టు మ్యాచ్‌కు భారత్ జట్టు అంచ‌నా: రోహిత్ శర్మ (కెప్టెన్), యశస్వి జైస్వాల్, శుభ్‌మన్ గిల్, విరాట్ కోహ్లీ, కేఎల్ రాహుల్, రిషబ్ పంత్ (వికెట్ కీపర్), రవీంద్ర జడేజా, రవిచంద్రన్ అశ్విన్, కుల్దీప్ యాదవ్, జస్‌ప్రీత్ బుమ్రా, ఆకాశ్‌దీప్/మహమ్మద్ సిరాజ్.