AUS Beat IND: బోర్డర్- గవాస్కర్ ట్రోఫీలో భాగంగా ఆస్ట్రేలియా- భారత్ (AUS Beat IND) జ‌ట్ల మధ్య ఐదు మ్యాచ్‌ల టెస్టు సిరీస్ జ‌రుగుతున్న విష‌యం తెలిసిందే. ఈ సిరీస్‌లో భాగంగా జ‌రిగిన నాలుగో టెస్టులో ఆస్ట్రేలియా జట్టు టీమిండియాపై 184 పరుగుల తేడాతో భారీ విజయం నమోదు చేసింది. అంతేకాకుండా సిరీస్‌లో 2-1తో ముందంజ‌లో నిలిచింది.
Also Read: Buddha Venkanna : బీసీల పక్షపాతి చంద్రబాబు.. డీజీపీ, సీఎస్ కీలక పోస్టుల్లో ఉన్న వాళ్లంతా బీసీలే
బోర్డర్ గవాస్కర్ ట్రోఫీలో భాగంగా మెల్‌బోర్న్ వేదికగా భారత్, ఆస్ట్రేలియా మధ్య నాలుగో మ్యాచ్ జరిగింది. ఈరోజు మ్యాచ్‌లో ఐదో, చివరి రోజు. నాలుగో రోజు ఆస్ట్రేలియా రెండో ఇన్నింగ్స్ లో 234 పరుగులు చేసి భారత్‌కు 340 పరుగుల లక్ష్యాన్ని అందించింది. ఆస్ట్రేలియా తరఫున మార్నస్ లాబుస్‌చాగ్నే రెండో ఇన్నింగ్స్‌లో అత్యధిక స్కోరు 70 పరుగులు చేయగా, పాట్ కమిన్స్, నాథన్ లియోన్ చెరో 41 పరుగులు సాధించారు. భారత్ తరఫున జస్ప్రీత్ బుమ్రా మరోసారి అద్భుతంగా బౌలింగ్ చేసి ఐదు వికెట్లు పడగొట్టాడు. వీరితో పాటు మహ్మద్ సిరాజ్ మూడు వికెట్లు, రవీంద్ర జడేజా ఒక వికెట్ తీశారు.
డిసెంబర్ 26 నుంచి మెల్‌బోర్న్‌లో భారత్, ఆస్ట్రేలియా మధ్య బాక్సింగ్ డే టెస్ట్ మ్యాచ్ జరిగింది. అయితే 5వ రోజు మ్యాచ్ ఖరారు కావడంతో ఆస్ట్రేలియా 184 పరుగుల భారీ విజయాన్ని నమోదు చేసింది. బోర్డర్-గవాస్కర్ ట్రోఫీ 2024-25లో ఆస్ట్రేలియా 2-1 ఆధిక్యంలో ఉంది. ఇప్పుడు ఆ జట్టు సిరీస్‌లో తన పట్టును పటిష్టం చేసుకుంది. ఎందుకంటే ఇప్పుడు ఆ జట్టు సిరీస్‌ని కోల్పోయే అవకాశం లేదు. 5వ రోజు చివరి సెషన్‌లో టీమిండియా మొత్తం 7 వికెట్లు కోల్పోవడంతో మ్యాచ్‌లో ఓటమి చవిచూడాల్సి వచ్చింది.
నాలుగో టెస్టు సాగిందిలా!
ఆస్ట్రేలియా తొలి ఇన్నింగ్స్‌లో 474 పరుగులు చేసింది. అయితే తొలి ఇన్నింగ్స్‌లో టీమిండియా 369 పరుగులకు ఆలౌటైంది. ఆ తర్వాత ఆస్ట్రేలియా జట్టు తొలి ఇన్నింగ్స్‌లో 105 పరుగుల ఆధిక్యం సాధించింది. ఆస్ట్రేలియా తన రెండో ఇన్నింగ్స్‌లో 234 పరుగులు చేసి భారత్‌కు 340 పరుగుల భారీ లక్ష్యాన్ని అందించింది. ఈ లక్ష్యాన్ని ఛేదించే క్రమంలో టీమిండియా 155 పరుగులకే పరిమితమైంది.
డబ్ల్యూటీసీ పట్టికలో మూడో స్థానంలో టీమిండియా
మెల్‌బోర్న్ టెస్టులో 184 పరుగుల తేడాతో విజయం సాధించి వరల్డ్ టెస్ట్ ఛాంపియన్‌షిప్ ఫైనల్ పాయింట్ల పట్టికలో ఆస్ట్రేలియా జట్టు రెండో స్థానంలో కొన‌సాగుతోంది. ఆస్ట్రేలియా పాయింట్లలో భారీ పెరుగుదల కనిపించింది. ప్రస్తుతం ఆస్ట్రేలియా 61.45 పాయింట్లతో ఉంది. ఫైనల్కు చేరేందుకు ఆస్ట్రేలియా బలమైన జ‌ట్టుగా అవ‌త‌రించింది.
మెల్‌బోర్న్ టెస్టులో ఓడిన టీమిండియా డబ్ల్యూటీసీ ఫైనల్ ఆశలకు భారీ ఎదురుదెబ్బ తగిలింది. టీం ఇండియా పాయింట్ల పట్టికలో మూడో స్థానంలో కొనసాగుతుండగా.. భారత్ పాయింట్లు తగ్గాయి. WTC ఫైనల్ పాయింట్ల పట్టికలో టీమ్ ఇండియా ఇప్పుడు 53.27 పాయింట్లతో ఉంది. ఇప్పుడు టీమ్ ఇండియా ఫైనల్కు చేరాలంటే చివరి టెస్టు మ్యాచ్‌లో ఖ‌చ్చితంగా గెల‌వాల్సిన ప‌రిస్థితి ఏర్ప‌డింది.