Champions Trophy: ఆసీస్‌తో టీమిండియా సెమీ ఫైన‌ల్‌.. మ‌రో చెత్త రికార్డు న‌మోదు చేసిన భార‌త్‌!

Champions Trophy: ఐసీసీ ఛాంపియన్స్ ట్రోఫీ (Champions Trophy) 2025 తొలి సెమీ ఫైనల్ మ్యాచ్‌లో టీమిండియా, ఆస్ట్రేలియా జట్లు తలపడుతున్నాయి. టాస్ గెలిచిన స్టీవ్ స్మిత్ ముందుగా బ్యాటింగ్ ఎంచుకున్నాడు. ఈ మ్యాచ్ కోసం ఆస్ట్రేలియా జట్టు తన ప్లేయింగ్ 11 లో 2 మార్పులు చేసింది. ఎలాంటి మార్పులు లేకుండానే టీమ్ ఇండియా మైదానంలోకి వచ్చింది. ఈ మ్యాచ్‌లో టీమ్ ఇండియా బ్లాక్ బ్యాండ్ ధరించి మైదానంలోకి వచ్చింది.

టీమ్ ఇండియా బ్లాక్ బ్యాండ్ ధరించి మైదానంలోకి వచ్చింది

సెమీ ఫైనల్ మ్యాచ్‌లో టీమ్ ఇండియా ఆటగాళ్లు నల్ల బ్యాండ్‌లు ధరించారు. అయితే ఈ న‌ల్ల బ్యాండ్‌లు ఆట‌గాళ్లు ఎందుకు ధ‌రించారో అనేది భారతీయ అభిమానులందరూ తెలుసుకోవాలనుకుంటున్న కారణం. ఇందుకు కారణాన్ని బీసీసీఐ సోషల్‌మీడియా వేదికగా వెల్లడించింది. నిజానికి మార్చి 3న భారతదేశం 84 ఏళ్ల వయసులో దేశీయ క్రికెట్ సూపర్ స్టార్ పద్మాకర్ శివల్కర్‌ను కోల్పోయింది.

Also Read: Solar Laptop : సోలార్ లాప్‌టాప్ వచ్చేసింది.. పనితీరు వివరాలు ఇవిగో

శివల్కర్‌కు గౌరవం ఇస్తూ భారత ఆటగాళ్లు తమ చేతుల‌కు నల్ల బ్యాండ్‌లు ధరించారు. ముంబై తరపున దేశవాళీ క్రికెట్ ఆడిన శివల్కర్ 124 మ్యాచ్‌లు ఆడాడు. అందులో 19.69 సగటుతో మొత్తం 589 మంది బ్యాట్స్‌మెన్‌లను పెవిలియన్‌కు పంపాడు. ఈ సమయంలో అతను 42 సార్లు 5 వికెట్లు,13 సార్లు 10 వికెట్లు తీసుకున్నాడు. అతను బ్యాటింగ్‌తో 515 పరుగులు చేశాడు.

ఛాంపియన్స్ ట్రోఫీలో భాగంగా దుబాయ్ క్రికెట్ స్టేడియంలో భారత్-ఆస్ట్రేలియా మధ్య తొలి సెమీఫైనల్ మ్యాచ్ జరుగుతోంది. ఈ మ్యాచ్‌లో భారత కెప్టెన్ రోహిత్ శర్మ మరోసారి టాస్ ఓడిపోయాడు. వన్డే ఫార్మాట్‌లో భారత్‌ టాస్‌ ఓడిపోవడం ఇది వరుసగా 14వ సారి. అయితే టాస్ ఓడిపోవడం వల్ల భారత్‌కు ప్రయోజనం ఉంటుందా లేదా అన్నది ఇప్పుడు ఆసక్తికరంగా మారింది. చూస్తుంటే ఇప్పటి వరకు టోర్నీ మొత్తంలో కెప్టెన్ రోహిత్ టాస్ ఓడిపోయాడు. అయితే దీని వల్ల జట్టుకు పెద్దగా తేడా రాకపోవడంతో ప్రతిసారి విజయం సాధిస్తూ వస్తోంది.

ఆస్ట్రేలియా (ప్లేయింగ్ XI): కూపర్ కొన్నోలీ, ట్రావిస్ హెడ్, స్టీవ్ స్మిత్ (c), మార్నస్ లాబుస్‌చాగ్నే, జోష్ ఇంగ్లిస్ (WK), అలెక్స్ కారీ, గ్లెన్ మాక్స్‌వెల్, బెన్ ద్వార్షుయిస్, నాథన్ ఎల్లిస్, ఆడమ్ జంపా, తన్వీర్ సంఘా.

భారత్ (ప్లేయింగ్ ఎలెవన్): రోహిత్ శర్మ (కెప్టెన్), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, అక్షర్ పటేల్, కేఎల్ రాహుల్ (వికెట్ కీపర్), హార్దిక్ పాండ్యా, రవీంద్ర జడేజా, మహ్మద్ షమీ, కుల్దీప్ యాదవ్, వరుణ్ చక్రవర్తి.