క్రికెటర్లకు మంచి జీతాలు అందుతాయని అందరికీ తెలుసు. చాలా మంది క్రికెటర్లు తమ విభిన్న వ్యాపారాలను కూడా ప్రారంభించారు. ఈ వ్యాపారం అన్నీ క్రికెటర్ల బ్యాంక్ బ్యాలెన్స్ను పెంచడంలో సహాయపడతాయి. అభిమానులు కూడా క్రికెటర్ల బ్యాంక్ బ్యాలెన్స్, వారి నికర విలువ తెలుసుకోవాలనే ఆసక్తిని కలిగి ఉంటారు. ఇటీవల సీఈఓ వరల్డ్ మ్యాగజైన్ 2023 ప్రపంచ సంపన్న క్రికెటర్ల జాబితాను షేర్ చేసింది. ఈ జాబితాను చూసిన అభిమానులు ఆశ్చర్యపోతున్నారు. ఎందుకంటే ఈ జాబితాలో మొదటి పేరు ఆస్ట్రేలియా మాజీ లెజెండ్ ఆడమ్ గిల్క్రిస్ట్ (Adam Gilchrist). ఆడమ్ గిల్క్రిస్ట్ రిటైర్ అయ్యి చాలా కాలం అయింది. ఇలాంటి పరిస్థితుల్లో అతడు ప్రపంచంలోనే అత్యంత ధనవంతుడైన క్రికెటర్ కావడం అభిమానులను ఆశ్చర్యానికి గురిచేస్తోంది.
ఆడమ్ గిల్క్రిస్ట్ మొత్తం ఆస్తులు దాదాపు 380 మిలియన్ డాలర్లు (సుమారు రూ. 3100 కోట్లు) ఉన్నట్లు నివేదికలో పేర్కొన్నారు. అతని తర్వాత సచిన్ టెండూల్కర్, మహేంద్ర సింగ్ ధోనీ, విరాట్ కోహ్లీ వరుసగా రెండు, మూడు, నాలుగు స్థానాల్లో ఉన్నారు. అయితే, CEO వరల్డ్ మ్యాగజైన్ నివేదికపై చాలా మంది ప్రశ్నలు కూడా లేవనెత్తారు. ఆడమ్ గిల్క్రిస్ట్ ప్రపంచంలోనే అత్యంత ధనిక క్రికెటర్ కాదని ట్విట్టర్లో కొందరు అంటున్నారు. ఆడమ్ గిల్క్రిస్ట్ పేరు గురించి గందరగోళం ఉన్నందున ఈ గందరగోళం ఏర్పడింది. నిజానికి ఆస్ట్రేలియాలో ఆడమ్ గిల్క్రిస్ట్ అనే వ్యాపారవేత్త కూడా ఉన్నాడు.
వాస్తవానికి, వరల్డ్ ఇండెక్స్ విడుదల చేసిన జాబితాలో ఆడమ్ గిల్క్రిస్ట్ ఫిట్నెస్ జిమ్ సెంటర్ యజమాని. ఆడమ్ గిల్క్రిస్ట్ F45 ఫిట్నెస్ జిమ్ను నడుపుతున్న ఒక అమెరికన్ నివాసి. గిల్క్రిస్ట్ అమెరికాలోనే కాకుండా ప్రపంచవ్యాప్తంగా అనేక జిమ్ ఫ్రాంచైజీలు నిర్వహిస్తున్నారు. 2022లో అతను సుమారూ 500 మిలియన్ అమెరికన్ డాలర్ల ఆదాయంతో వార్తల్లో నిలిచాడు.
A case of mistaken identity here folks. Unless of course my namesake who founded F45 played cricket, in which case it’s completely accurate 😂 #doyourresearch #fakenews #yasafesachin https://t.co/fZi1AotQjq
— Adam Gilchrist (@gilly381) March 15, 2023
మరోవైపు.. మాజీ క్రికెటర్ ఆడమ్ గిల్క్రిస్ట్ నికర విలువ గురించి మాట్లాడితే దాని గురించి ఎటువంటి సమాచారం లేదు. అయితే, ఆస్ట్రేలియన్ వెటరన్ నికర విలువ ఎంత ఉన్నా.. అది భారత దిగ్గజ క్రికెటర్ల కంటే ఎక్కువగా ఉండదని అభిమానులు అంటున్నారు. దీనిపై ఆసీస్ క్రికెటర్ ట్విట్టర్ వేదికగా క్లారిటీ ఇచ్చాడు. ‘నా సంపద 3800 కోట్లు కాదు. నేను సచిన్-విరాట్, ధోనీల కంటే ధనవంతుడ్ని కాదు. అలాగే 3800 కోట్ల ఆస్తులున్న ఆడమ్ గిల్క్రిస్ట్ మరో వ్యక్తి. కాబట్టి ఈ నివేదికలో ఏ మాత్రం నిజంలేదు’ అని క్లారిటీ ఇచ్చాడు.
ఆడమ్ గిల్క్రిస్ట్ ఆస్ట్రేలియా తరపున 96 టెస్టులు, 287 ODIలు, 13 T20 ఇంటర్నేషనల్స్లో వరుసగా 5570, 9619, 272 పరుగులు చేశాడు. ఇది కాకుండా అతను మొత్తం 905 వికెట్ కీపింగ్ అవుట్లను చేసాడు (అత్యధిక కీపర్లలో రెండవది). అతను ఆస్ట్రేలియా 1999, 2003, 2007 ODI ప్రపంచ కప్ విజయాలలో భాగంగా ఉన్నాడు.