World Cup Prize Money: వరల్డ్ కప్ ప్రైజ్ మనీ రూ.83 కోట్లలో ఎవరి వాటా ఎంత..? ఛాంపియన్ గా నిలిచిన జట్టుకు ఎంతంటే..?

World Cup Prize Money: ప్రపంచ కప్ 2023లో మొత్తం 10 మిలియన్ డాలర్లు అంటే రూ. 83 కోట్ల ప్రైజ్ మనీ (World Cup Prize Money) ఉంది. ఈ ప్రైజ్ మనీలో ఎక్కువ భాగం నవంబర్ 19న ప్రపంచ ఛాంపియన్‌గా మారే జట్టు ఖాతాకు చేరుతుంది. రన్నరప్‌గా నిలిచిన జట్టు కూడా భారీ ప్రైజ్ మనీని సొంతం చేసుకోనుంది. దీంతో పాటు ఈ ప్రపంచకప్‌లో లీగ్ దశలో నిష్క్రమించిన జట్లు, సెమీఫైనల్‌లో ఓడిన జట్లకు కూడా మంచి మొత్తమే దక్కనుంది. ఈ ప్రైజ్ మనీ రూ.83 కోట్లలో ఎవరి వాటా ఎంత మొత్తం ఉంటుందో ఇప్పుడు తెలుసుకుందాం..!

– ప్రపంచ కప్ 2023 ఛాంపియన్ జట్టుకు $4 మిలియన్ల ప్రైజ్ మనీ ఇవ్వబడుతుంది. భారత కరెన్సీలో చూస్తే ఈ మొత్తం రూ.33 కోట్ల కంటే ఎక్కువ. ఈ భారీ మొత్తం భారత్‌ లేదా ఆస్ట్రేలియాకు వెళ్లనుంది.

– ప్రపంచ కప్ 2023 ఫైనల్‌లో ఓడిపోయిన జట్టు అంటే ఈ టోర్నమెంట్‌లో రన్నరప్ జట్టుకు 2 మిలియన్ డాలర్లు అంటే రూ. 16.65 కోట్లు.

– సెమీ ఫైనల్ మ్యాచ్‌ల్లో ఓడిన రెండు జట్ల ఖాతాల్లోకి మొత్తం 1.6 మిలియన్ డాలర్లు చేరుతాయి. ఇక్కడ ఒక్కో జట్టు వాటా 8 లక్షల డాలర్లు (6.65 కోట్ల రూపాయలు) ఉంటుంది. ఈ మొత్తం న్యూజిలాండ్, దక్షిణాఫ్రికా జట్లకు చేరనుంది. సెమీ ఫైనల్ మ్యాచ్‌ల్లో ఇరు జట్లు ఓడిపోయాయి.

Also Read: Mohammed Shami: షమీపై మరోసారి హసీన్ జహాన్ తీవ్ర ఆరోపణలు.. ఆటగాళ్లకు డబ్బులు ఇచ్చి ఔట్ చేస్తాడని కామెంట్స్..!

– లీగ్ దశ తర్వాత ప్రపంచకప్ నుంచి నిష్క్రమించిన ఆరు జట్లకు ఒక్కొక్కరికి లక్ష డాలర్లు (రూ. 83 లక్షలు) అందుతాయి. పాకిస్థాన్, ఆఫ్ఘనిస్థాన్, ఇంగ్లండ్, బంగ్లాదేశ్, శ్రీలంక, నెదర్లాండ్స్ ఈ మొత్తాన్ని అందుకోనున్నాయి. అంటే ఈ 6 జట్లకు మొత్తం రూ.5 కోట్లు దక్కనున్నాయి.

We’re now on WhatsApp. Click to Join.

– లీగ్ దశలో ప్రతి మ్యాచ్ గెలిచినందుకు జట్లకు మంచి మొత్తంలో ప్రైజ్ మనీ ఫిక్స్ చేయబడింది. ఇక్కడ ఒక్కో మ్యాచ్‌లో గెలిచిన జట్టుకు 40 వేల డాలర్లు అంటే 33 లక్షల రూపాయలు. ఈ విధంగా లీగ్ దశలో 45 మ్యాచ్‌ల ప్రైజ్ మనీ మొత్తం 1.8 మిలియన్ డాలర్లు అంటే రూ.15 కోట్లు.