Prasidh Krishna: ప్రపంచకప్ మధ్యలో భారత జట్టుకు భారీ ఎదురుదెబ్బ తగిలింది. బంగ్లాదేశ్ మ్యాచ్ సందర్భంగా చీలమండ గాయం కారణంగా టీమిండియా స్టార్ ఆల్ రౌండర్ హార్దిక్ పాండ్యా చివరి మూడు మ్యాచ్‌లు ఆడలేకపోయాడు. ఇప్పుడు అతను ప్రపంచ కప్ జట్టు నుండి తొలగించబడ్డాడు. అతని స్థానంలో ఫాస్ట్ బౌలర్ ప్రసిద్ధ్ కృష్ణ (Prasidh Krishna)ను జట్టులోకి తీసుకున్నారు. ఇలాంటి పరిస్థితుల్లో ఆల్‌రౌండర్ హార్దిక్ పాండ్యా స్థానంలో ఫాస్ట్ బౌలర్‌ను ఎందుకు జట్టులోకి తీసుకున్నారనే ప్రశ్న చాలా మందిలో తలెత్తుతోంది. దీనికి గల కారణం ఏంటో తెలుసుకుందాం..!
We’re now on WhatsApp. Click to Join.
హార్దిక్ స్థానంలో ప్రసిద్ధ్‌కి ఎందుకు అవకాశం ఇచ్చారు..?
హార్దిక్ తన గాయం తర్వాత గత రెండు వారాలుగా కోలుకుంటున్నాడు. కానీ అతని చీలమండ వాపు మళ్లీ వచ్చింది. దీంతో పాండ్యాను ప్రపంచకప్ నుంచి తప్పించాలని బీసీసీఐ సెలక్టర్లు నిర్ణయించారు. అతని స్థానంలో ముగ్గురు ఆటగాళ్లను బీసీసీఐ ఎంపిక చేసింది. ఈ మూడు ఆప్షన్లలో సంజు శాంసన్, ప్రసిద్ధ్ కృష్ణ, తిలక్ వర్మ పేర్లు ఉన్నాయి. సంజు శాంసన్ అదనపు వికెట్ కీపర్ లేదా బ్యాట్స్‌మన్‌గా ఎంపికయ్యాడు. తిలక్ వర్మ స్పిన్ బ్యాటింగ్ ఆల్ రౌండర్ పాత్రను పోషించగలడు. ప్రసిద్ధ్ కృష్ణ ఒక ఫాస్ట్ బౌలర్.
Also Read: Hardik Pandya Reacts: నేను జీర్ణించుకోలేకపోతున్నాను.. హార్దిక్ పాండ్యా ఎమోషనల్..!
హార్దిక్ ఆల్ రౌండర్ పాత్రలో ఉన్నాడు. అయితే మిగిలిన మ్యాచ్‌లు, ప్రస్తుత ఫామ్‌ను పరిగణనలోకి తీసుకుంటే టీమ్ ఇండియా ఆల్ రౌండర్‌లకు శార్దూల్ ఠాకూర్, రవిచంద్రన్ అశ్విన్‌లను సరిపోతారని భావించింది. ఇషాన్ కిషన్ ఎడమచేతి వాటం బ్యాట్స్‌మెన్, వికెట్ కీపర్ పాత్రను పోషించగలడు. కాబట్టి జట్టుకు సంజు శాంసన్,తిలక్ వర్మ కూడా అవసరం లేదు. ఇలాంటి పరిస్థితిలో ప్రస్తుత పరిస్థితుల ప్రకారం టీమ్ ఇండియాకు ఫాస్ట్ బౌలర్ అవసరం. అందుకే ప్రసిద్ధ్ కృష్ణను ప్రపంచ కప్ జట్టులో చేర్చారు.