Hardik On Rohit Sharma: రోహిత్ నాకు అండగా ఉంటాడు: హార్దిక్ పాండ్యా

Hardik On Rohit Sharma: ఇండియన్ ప్రీమియర్ లీగ్ (ఐపీఎల్) రాబోయే సీజన్‌లో రోహిత్ శర్మ బ్యాట్స్‌మెన్‌గా కనిపించనున్నాడు. IPL 2024కి ముందు రోహిత్‌ని ముంబై ఇండియన్స్ (MI) కెప్టెన్సీ బాధ్యతల నుండి తప్పించింది. రోహిత్ స్థానంలో హార్దిక్ పాండ్యా (Hardik On Rohit Sharma)ను ముంబై ఇండియన్స్ కెప్టెన్‌గా నియమించింది. గత రెండు ఐపీఎల్ సీజన్లలో హార్దిక్ గుజరాత్ టైటాన్స్ (జీటీ)కి కెప్టెన్‌గా వ్యవహరించాడు.

ఈ ప్రశ్నపై హార్దిక్, బౌచర్ మౌనం వీడారు

ముంబై ఇండియన్స్ కెప్టెన్సీ బాధ్యతలు చేపట్టిన తర్వాత హార్దిక్ పాండ్యా తొలిసారిగా మీడియా సమావేశంలో పాల్గొన్నాడు. ఈ సందర్భంగా హార్దిక్‌, ప్రధాన కోచ్‌ బౌచర్‌లకు పలు ప్రశ్నలు సంధించారు జ‌ర్న‌లిస్టులు. హార్దిక్ సమాధానం ఇవ్వని ప్రశ్న కూడా ఉంది. ప్రశ్న ఏమిటంటే.. రోహిత్ శర్మకు బదులుగా హార్దిక్ పాండ్యాకు కెప్టెన్సీని ఇవ్వాలని మేనేజ్‌మెంట్ నిర్ణయించడానికి కారణం ఏమిటి? అనేది ప్ర‌శ్న‌. ఈ ప్రశ్నపై హార్దిక్ పాండ్యా మౌనం వహించాడు. ముంబై ఇండియన్స్ ప్రధాన కోచ్ బౌచర్ కూడా ఈ ప్రశ్నకు సమాధానం ఇవ్వలేదు. తదుపరి ప్రశ్న అడగమని చెప్పారు.

Also Read: Virat Kohli Video: ఆర్సీబీ ఆట‌గాళ్ల‌తో ప్రాక్టీస్ చేస్తున్న విరాట్ కోహ్లీ.. వీడియో వైర‌ల్..!

See more

One more question rejected😭@mipaltan getting exposed#RohitSharma pic.twitter.com/EGyq9RaaBd

— Aditya (Modi ka Parivar) (@_adityapandey__) March 18, 2024

అయితే, రోహిత్ శర్మకు సంబంధించిన మిగిలిన ప్రశ్నలకు హార్దిక్ పాండ్యా ఖచ్చితంగా సమాధానమిచ్చాడు. ఐపీఎల్ 2024 ప్రారంభానికి ముందు ముంబై ఇండియన్స్ సోమవారం (మార్చి 18) తొలి ప్రాక్టీస్ మ్యాచ్ ఆడుతుందని కెప్టెన్ హార్దిక్ పాండ్యా కూడా ధృవీకరించారు.

హార్దిక్ మాట్లాడుతూ.. మొదట, ఇది భిన్నంగా ఉండబోదు. ఎందుకంటే నాకు ఏదైనా సహాయం అవసరమైతే, రోహిత్ అక్కడ ఉంటాడు. అలాగే భారత జట్టుకు కెప్టెన్‌ కూడా. ఇప్పుడు అతని కెప్టెన్సీలో అతను సాధించిన వాటిని ముందుకు తీసుకెళ్లాలనుకుంటున్నాను. ఇది విచిత్రమైనది లేదా భిన్నంగా ఉండదు. ఇదొక మంచి అనుభవం అవుతుంది. అతని కెప్టెన్సీలోనే నా కెరీర్ మొత్తం ఆడాను. సీజన్‌లో అతని చేయి ఎప్పుడూ నా భుజంపై ఉంటుందని నాకు తెలుసు అని అన్నాడు.

We’re now on WhatsApp : Click to Join

అభిమానులను గౌరవిస్తాం: హార్దిక్

హార్దిక్ పాండ్యా మాట్లాడుతూ.. నిజాయితీగా చెప్పాలంటే మేము అభిమానులను గౌరవిస్తాము. అదే సమయంలో మేము ఆటపై దృష్టి పెడతాము. అభిమానులకు చాలా కృతజ్ఞతలు. రోహిత్ ఏది మాట్లాడినా చెప్పే హక్కు అతనికి ఉంది. నేను అతని అభిప్రాయాన్ని గౌరవిస్తాను. అలాగే మంచి ప్రదర్శనపై దృష్టి సారిస్తామ‌ని పాండ్యా చెప్పాడు.

ప్రస్తుతం ఐపీఎల్ 2024 తొలి 21 మ్యాచ్‌ల షెడ్యూల్ విడుదలైంది. ఐపీఎల్ 2024 మార్చి 22 నుంచి ప్రారంభం కానుంది. 17 రోజుల వ్యవధిలో మొత్తం 21 మ్యాచ్‌లు జరగనున్నాయి. ఈ 21 మ్యాచ్‌లు 10 నగరాల్లో జరగనున్నాయి. కాగా, మార్చి 24న గుజరాత్‌ టైటాన్స్‌తో ముంబై తమ తొలి మ్యాచ్‌ ఆడనుంది.