Shubman Gill: టీమిండియా ఓపెనర్ శుభ్‌మన్ గిల్ (Shubman Gill) 2023 సంవత్సరంలో ఇప్పటివరకు మూడు ఫార్మాట్‌లలో బ్యాటింగ్‌తో అద్భుతమైన ప్రదర్శనను కనబరిచాడు. ప్రస్తుతం అత్యంత ప్రతిభావంతులైన ఆటగాళ్లలో గిల్ కూడా స్థానం ఉంది. వన్డేల్లో గిల్ ప్రదర్శన ఉత్తమ స్థాయిలో కనిపిస్తుంది. ఈ ఏడాది ఇప్పటివరకు గిల్ 19 మ్యాచ్‌ల్లో 70.37 సగటుతో 1126 పరుగులు చేశాడు. వన్డే ప్రపంచకప్ మ్యాచ్‌లు ఇంకా ఆడాల్సి ఉంది. ఇలాంటి పరిస్థితుల్లో దిగ్గజ బ్యాట్స్‌మెన్ సచిన్ టెండూల్కర్ 25 ఏళ్ల రికార్డును బద్దలు కొట్టే గొప్ప అవకాశం గిల్‌కి దక్కనుంది.
శుభ్‌మన్ గిల్ 2023 సంవత్సరం ప్రారంభంలో వన్డే ఫార్మాట్‌లో తన మొదటి డబుల్ సెంచరీని కూడా సాధించాడు. వన్డేల్లో ఏడాదిలో అత్యధిక పరుగులు చేసిన రికార్డు ఇప్పటికీ సచిన్ టెండూల్కర్ పేరిట ఉంది. 1998లో 9 సెంచరీలు, 7 హాఫ్ సెంచరీల సాయంతో మొత్తం 1894 పరుగులు చేశాడు. ఆ ఏడాది టెండూల్కర్ సగటు 65.31గా ఉంది.
Also Record: Pakistan Visas: పాకిస్తాన్ జట్టుకు వీసా కష్టాలు.. న్యూజిలాండ్ తో పాక్ వార్మప్ మ్యాచ్ డౌటే..?!
ఈ ఏడాది వన్డేల్లో గిల్ ఇప్పటివరకు 1126 పరుగులు చేశాడు. గిల్ మరో 768 పరుగులు చేస్తే సచిన్ రికార్డును బద్దలు కొట్టగలడు. ప్రస్తుతం భారత జట్టు వన్డే ప్రపంచకప్‌లో కనీసం 9 లీగ్ మ్యాచ్‌లు ఆడాల్సి ఉంది. ఇది కాకుండా టీమిండియా సెమీ-ఫైనల్, ఫైనల్‌కు చేరుకుంటే తర్వాత గిల్‌కు మరో 2 మ్యాచ్‌లు లభిస్తాయి. ప్రపంచ కప్ తర్వాత దక్షిణాఫ్రికాతో ఏడాది చివరిలో 3 వన్డే మ్యాచ్‌లు ఆడే అవకాశం ఉంది.
ఆస్ట్రేలియాతో జరిగిన మ్యాచ్‌లో గిల్ హాఫ్ సెంచరీ
ప్రపంచ కప్-2023కు ముందు ఆస్ట్రేలియాతో ప్రస్తుతం జరుగుతున్న ODI సిరీస్‌లో కూడా శుభ్‌మన్ గిల్ తన అద్భుతమైన ప్రదర్శనను కొనసాగించాడు. మొహాలీలో జరిగిన తొలి మ్యాచ్‌లో గిల్ 63 బంతుల్లో 74 పరుగులతో అద్భుత ఇన్నింగ్స్ ఆడాడు. ఈ మ్యాచ్ లో భారత జట్టు 5 వికెట్ల తేడాతో విజయం సాధించి సిరీస్‌లో 1-0 ఆధిక్యంలో నిలిచింది.