ప్రపంచ కప్ 2023 అక్టోబర్ 5 నుండి ప్రారంభమవుతుంది. టోర్నీలో తొలి మ్యాచ్ అహ్మదాబాద్లో జరగనుంది. అక్టోబర్ 8న చెన్నైలో ఆస్ట్రేలియాతో భారత్ తొలి మ్యాచ్ జరగనుంది. అదే సమయంలో అక్టోబర్ 14న భారత్-పాక్ మ్యాచ్ జరగనుంది. భారత మ్యాచ్ల టిక్కెట్ల ధరలు (World Cup Tickets) ఆకాశాన్నంటుతున్నాయి. కొన్ని టిక్కెట్ బుకింగ్ వెబ్సైట్లు భారత్ మ్యాచ్లకు సంబంధించిన అన్ని టిక్కెట్లను విక్రయించాయి. అదే సమయంలో టిక్కెట్లు ఇప్పటికీ వెబ్సైట్లో అందుబాటులో ఉన్నాయి. కానీ వాటి ధరలు చాలా ఎక్కువగా ఉన్నాయి.
వయాగోగో పేరుతో ఉన్న టికెట్ వెబ్సైట్లో అక్టోబర్ 14న భారత్-పాకిస్థాన్ జట్ల మధ్య జరగనున్న మ్యాచ్ టిక్కెట్లు లక్షల్లో అమ్ముడుపోతున్నాయి. వెబ్సైట్లో ఎగువ శ్రేణి విభాగానికి చెందిన టికెట్ ధర రూ.57 లక్షలకు పైగా ఉన్నట్లు కనిపిస్తోంది. సెక్షన్ N6 పరిస్థితి కూడా అదే. ఈ విభాగంలో కూడా టికెట్ ధర రూ.57 లక్షలకు పైగానే చూపుతోంది. ఈ వెబ్సైట్లో అతి తక్కువ టికెట్ ధర రూ.80 వేలు.
Also Read: World Cup Tickets: 400,000 టిక్కెట్లను విడుదల చేయనున్న బీసీసీఐ
బుక్ మై షో పేరుతో ఉన్న టికెట్ బుకింగ్ వెబ్సైట్లో భారత్ మ్యాచ్కు సంబంధించిన అన్ని టిక్కెట్లు అమ్ముడయ్యాయి. 2023 ప్రపంచకప్లో భారత్ తొలి మ్యాచ్ అక్టోబర్ 8న జరగనుంది. ఈ మ్యాచ్ భారత్, ఆస్ట్రేలియా మధ్య జరగనుంది. అక్టోబరు 11న అఫ్గానిస్థాన్తో టీమిండియా రెండో మ్యాచ్. భారత్-పాకిస్థాన్ తర్వాత అక్టోబర్ 19న భారత్-బంగ్లాదేశ్ మధ్య మ్యాచ్ జరగనుంది. అక్టోబర్ 22న భారత్, న్యూజిలాండ్ మధ్య మ్యాచ్ జరగనుంది. సెమీఫైనల్కు ముందు టీమిండియా చివరి మ్యాచ్ నెదర్లాండ్స్తో నవంబర్ 12న జరగనుంది.
What is happening? @Jayshah @BCCI
World cup tickets for India vs Pakistan tickets range from 65,000 to 4.5 lakhs "per ticket" on the Viagogo website!
Daylight Robbery from these Corporates!#INDvsPAK #ViratKohli𓃵 #IndvsNep #AsiaCup2023 #ICCWorldCup2023 pic.twitter.com/YzNkmyP53c— Vasu | வாசு (@Vasu281) September 5, 2023
పెరిగిన టిక్కెట్ ధరలపై అభిమానులు సోషల్ మీడియాలో బీసీసీఐని ప్రశ్నించారు. ఒక అభిమాని ట్విట్టర్ పోస్ట్లో ఇండియా- ఆస్ట్రేలియా మధ్య మ్యాచ్ టిక్కెట్ ధరను పేర్కొన్నాడు. దీని ధర కూడా లక్షలకు చేరిందని రాసుకొచ్చాడు. టిక్కెట్ల ధరలు లక్షల్లో అమ్మటంతో ఫ్యాన్స్ ఫైర్ అవుతున్నారు.