Faf du Plessis: భారత్-దక్షిణాఫ్రికా మధ్య టీ20, వన్డే, టెస్టు సిరీస్లు జరగనున్నాయి. ఇందుకోసం టీమిండియా టీ20 జట్టు కూడాదక్షిణాఫ్రికాకు చేరుకుంది. టీ20, వన్డే సిరీస్ల కోసం రోహిత్ శర్మ, విరాట్ కోహ్లీ ఇద్దరికీ బీసీసీఐ విశ్రాంతినిచ్చింది. ఇలాంటి పరిస్థితుల్లో వచ్చే ఏడాది 2024లో టీ20 ప్రపంచకప్ కూడా ఆడాల్సి ఉంది. ఇదిలా ఉంటే అంతర్జాతీయ క్రికెట్లోకి తిరిగి రావడం గురించి దక్షిణాఫ్రికా మాజీ క్రికెటర్ ఫాఫ్ డుప్లెసిస్ (Faf du Plessis) ఒక అప్డేట్ ఇచ్చాడు.
దక్షిణాఫ్రికా వెటరన్ ఆటగాడు ఫాఫ్ డు ప్లెసిస్ 2021లో అంతర్జాతీయ క్రికెట్ నుంచి రిటైరయ్యాడు. అయితే ఆ తర్వాత కూడా అతను ఇండియన్ ప్రీమియర్ లీగ్లో ఆడాడు. ప్రస్తుతం అతను రాయల్ ఛాలెంజర్స్ బెంగళూరుకు కెప్టెన్ గా ఉన్నాడు. ICC T20 వరల్డ్ కప్ 2024కి ఇప్పుడు కొన్ని నెలలు మాత్రమే మిగిలి ఉన్నాయి. ఆఫ్రికన్ బ్యాట్స్మెన్ ఫాఫ్ డు ప్లెసిస్ తన పునరాగమనం గురించి సూచించాడు. అంతేకాకుండా పెద్ద అప్డేట్ కూడా ఇచ్చాడు.
Also Read: Ritika Singh : షూటింగ్ లో గాయపడ్డ వెంకటేష్ హీరోయిన్
డు ప్లెసిస్ ఒక ఇంటర్వ్యూలో ఇలా అన్నాడు. “నేను అంతర్జాతీయ క్రికెట్లో పునరాగమనం చేయగలనని ఖచ్చితంగా అనుకుంటున్నాను. మేము గత కొన్నేళ్లుగా దాని గురించి మాట్లాడుతున్నాము. వచ్చే ఏడాది ICC T20 ప్రపంచ కప్ 2024 కోసం నేను సమతుల్యతను కొనసాగించడానికి ప్రయత్నిస్తున్నాను. నేను జట్టు కొత్త కోచ్తో పునరాగమనం చేయడం గురించి కూడా మాట్లాడాను. అంతర్జాతీయ క్రికెట్లో పునరాగమనం చేయడానికి నేను చాలా కష్టపడుతున్నాను. నేను మంచి క్రికెట్ ఆడగలిగేలా నా ఫిట్నెస్పై పని చేస్తున్నాను.” అని చెప్పాడు.
We’re now on WhatsApp. Click to Join.
ఇంకా మాట్లాడుతూ.. “వయస్సు పెరిగేకొద్దీ, మీ ఫిట్నెస్పై చాలా కష్టపడాలి. వృద్ధాప్యం కారణంగా హామ్ స్ట్రింగ్స్, ఇతర శరీర భాగాలు కూడా పని చేయలేకపోతున్నాయి. ఇటువంటి పరిస్థితిలో ఫిట్గా ఉండాలంటే శారీరక సమతుల్యతను కాపాడుకోవాలి” అని చెప్పాడు. డు ప్లెసిస్ కేవలం టెస్టు నుంచి మాత్రమే రిటైర్ అయ్యాడు. కాగా అతను చివరిసారిగా 2019లో టీ20 క్రికెట్ ఆడాడు. అయితే అప్పటి నుండి విదేశీ, స్వదేశీ లీగ్లలో మాత్రమే ఆడి అద్భుతంగా రాణిస్తున్నాడు.