WPL 2025 Final: మహిళల ప్రీమియర్ లీగ్ మూడవ సీజన్ అంటే WPL 2025 ఫిబ్రవరి 14 నుండి ప్రారంభమైంది. అయితే ఈ సీజన్ ఇప్పుడు శరవేగంగా ముగింపు దశకు చేరుకుంది. ఫైనల్కు (WPL 2025 Final) మూడు జట్లు అర్హత కూడా సాధించాయి. అందులో రెండు జట్లు ఫైనల్ ఆడతాయి. ముంబై ఇండియన్స్, ఢిల్లీ క్యాపిటల్స్, గుజరాత్ జెయింట్స్ జట్లు అర్హత సాధించాయి. దీంతో పాటు రాయల్ ఛాలెంజర్స్ బెంగళూరు, యూపీ వారియర్స్ జట్లు టోర్నీ నుంచి నిష్క్రమించనున్నాయి. అయితే లీగ్లో ముంబై, బెంగళూరు మధ్య చివరి మ్యాచ్ ఇంకా జరగాల్సి ఉంది. WPL 2025 ఫైనల్, ఎలిమినేటర్ మ్యాచ్లు ఎప్పుడు ఆడతాయో తెలుసుకుందాం.
ముంబై నేరుగా ఫైనల్ ఆడేందుకు అవకాశం ఉంది
WPL 2025లో ముంబై ఇండియన్స్ డైరెక్ట్ ఫైనల్స్లోకి ప్రవేశించవచ్చు. అయితే లీగ్లో చివరి మ్యాచ్ ముంబై, ఆర్సీబీ మధ్య జరగనుంది. ఇలాంటి పరిస్థితుల్లో ముంబై జట్టు ఆర్సీబీని ఓడిస్తే.. నేరుగా ఫైనల్ ఆడవచ్చు. అయితే జట్టు ఓడిపోతే ముందుగా ఎలిమినేటర్ మ్యాచ్ ఆడాల్సి ఉంటుంది. కాగా ప్రస్తుతం పాయింట్ల పట్టికలో ఢిల్లీ క్యాపిటల్స్ మొదటి స్థానంలో ఉంది. ప్రస్తుతం ఢిల్లీ జట్టు RCB విజయం కోసం ప్రార్థిస్తుంది. ఆర్సీబీ విజయం సాధిస్తే ఢిల్లీ నేరుగా ఫైనల్కు చేరనుంది.
Also Read: Upcoming ICC Tournaments: 2031 వరకు జరగనున్న ఐసీసీ టోర్నీలు ఇవే.. భారత్ ఆతిథ్యం ఇవ్వనుందా?
ఎలిమినేటర్, ఫైనల్ మ్యాచ్లు ఎప్పుడు ఆడతారు?
ఉమెన్స్ ప్రీమియర్ లీగ్ 2025 చివరి మ్యాచ్ మార్చి 15 శనివారం ముంబైలోని బ్రబౌర్న్ స్టేడియంలో జరుగుతుంది. పాయింట్ల పట్టికలో మొదటి స్థానంలో నిలిచిన జట్టు నేరుగా ఫైనల్ ఆడనుంది. అయితే రెండు, మూడు స్థానాల్లో నిలిచిన జట్లు ఎలిమినేటర్ మ్యాచ్ ఆడాల్సి ఉంటుంది. WPL 2025 ఎలిమినేటర్ మ్యాచ్ మార్చి 13 గురువారం ముంబైలోని బ్రబౌర్న్ స్టేడియంలో జరుగుతుంది.
ఈసారి రాయల్ ఛాలెంజర్స్ బెంగళూరు జట్టు ఇప్పటివరకు 7 మ్యాచ్లు ఆడగా, అందులో కేవలం 2 మ్యాచ్లు మాత్రమే గెలిచింది. పాయింట్ల పట్టికలో ఆ జట్టు చివరి స్థానంలో ఉంది. యుపి వారియర్స్ తమ అన్ని మ్యాచ్లు ఆడగా, ఆ జట్టు 8 మ్యాచ్లలో 3 గెలిచింది.