Dhawan Buys Apartment: భారత క్రికెట్ జట్టు మాజీ ఓపెనర్ శిఖర్ ధావన్ (Dhawan Buys Apartment) మరోసారి తన వ్యక్తిగత జీవితం గురించి చర్చల్లో నిలిచాడు. ఇటీవల అతను ఇన్‌స్టాగ్రామ్‌లో ఒక పోస్ట్ ద్వారా తన కొత్త స్నేహితురాలితో ఉన్న సంబంధాన్ని ధృవీకరించాడు. ఈ పోస్ట్‌లో అతనితో కనిపించిన మహిళ ఐర్లాండ్‌కు చెందిన సోఫీ షైన్. సోఫీ ఒక ఐరిష్ ప్రొడక్ట్ కన్సల్టెంట్, అబుదాబిలోని నార్దర్న్ ట్రస్ట్ కార్పొరేషన్‌లో సెకండ్ వైస్ ప్రెసిడెంట్ పదవిలో పనిచేస్తోంది. సోఫీ- ధావన్ వయస్సు, నికర విలువలో ఎంత తేడా ఉందో ఈ రోజు మనం తెలుసుకుందాం.
సోఫీ- ధావన్ వయస్సు, నికర విలువలో తేడా
ధావన్- సోఫీని ఐసీసీ చాంపియన్స్ ట్రోఫీ సమయంలో కలిసి చూశారు. అప్పటి నుండి వారు కలిసి సమయం గడుపుతున్నారు. ధావన్- సోఫీ వయస్సులో పెద్దగా తేడా లేదు. సోఫీ జూన్ 1990లో ఐర్లాండ్‌లోని లిమెరిక్‌లో జన్మించింది. దీని ప్రకారం ఆమె ప్రస్తుత వయస్సు 35 సంవత్సరాలు. ఆమె లిమెరిక్ ఇన్‌స్టిట్యూట్ ఆఫ్ టెక్నాలజీ నుండి మార్కెటింగ్‌, మేనేజ్‌మెంట్‌లో డిగ్రీ పొందింది. ప్రస్తుతం ఆమె యూఏఈలో నివసిస్తోంది. మరోవైపు శిఖర్ ధావన్ వయస్సు 39 సంవత్సరాలు. అంటే వారిద్దరి మధ్య కేవలం 4 సంవత్సరాల తేడా ఉంది.
నికర విలువ గురించి మాట్లాడితే.. సోఫీ మొత్తం సంపాదన సార్వజనికంగా అందుబాటులో లేదు. కానీ కార్పొరేట్ రంగంలో ఉద్యోగం కారణంగా ఆమె జీతం గణనీయంగా ఉంటుంది. Cricketledger.com నివేదిక ప్రకారం.. అబుదాబిలోని నార్దర్న్ ట్రస్ట్ కార్పొరేషన్‌లో సెకండ్ వైస్ ప్రెసిడెంట్‌గా ఉన్న సోఫీ అంచనా ఆస్తి సుమారు 1.2 కోట్ల రూపాయలు. అయితే టైమ్స్ ఆఫ్ ఇండియా ప్రకారం శిఖర్ ధావన్ మొత్తం నికర విలువ సుమారు 125 కోట్ల రూపాయలుగా అంచనా వేశారు. ధావన్ 2023లో తన మాజీ భార్య ఆయేషా ముఖర్జీ నుండి విడాకులు తీసుకున్నాడు. వారికి జోరావర్ అనే కుమారుడు ఉన్నాడు. ఇప్పుడు ధావన్ – సోఫీ కొత్త ప్ర‌యాణాన్ని ప్రారంభించారు.
రూ. 69 కోట్లు పెట్టిన అపార్ట్‌మెంట్ కొన్న ధావన్
మాజీ క్రికెటర్ శిఖర్ ధావన్ గురుగ్రామ్‌లోని డీఎల్‌ఎఫ్ సరికొత్త సూపర్-లగ్జరీ ఆఫరింగ్ ది డాహ్లియాస్‌లో 69 కోట్ల రూపాయలకు ఒక అపార్ట్‌మెంట్‌ను కొనుగోలు చేశారని రియల్ ఎస్టేట్ అనలిటిక్స్ సంస్థ CRE మ్యాట్రిక్స్ యాక్సెస్ చేసిన డాక్యుమెంట్లు వెల్లడించాయి. డాక్యుమెంట్ల ప్రకారం.. ఈ సూపర్-లగ్జరీ అపార్ట్‌మెంట్ 6,040 చదరపు అడుగుల విస్తీర్ణం కలిగి ఉంది. గురుగ్రామ్ సెక్టార్ 54లోని డీఎల్‌ఎఫ్5 గోల్ఫ్ లింక్స్‌లోని ది డాహ్లియాస్‌లో ఉంది. ఈ హై-వాల్యూ ప్రాపర్టీ కొనుగోలు 2025 ఫిబ్రవరి మొదటి వారంలో నమోదు చేశారు. ధావన్ 3.28 కోట్ల రూపాయల స్టాంప్ డ్యూటీ చెల్లించవలసి వచ్చింది.
Also Read: Funeral: అంత్యక్రియలు జరిగిన మూడు రోజులకే బూడిదను ఎందుకు సేకరిస్తారు?
డాక్యుమెంట్ల ప్రకారం.. అపార్ట్‌మెంట్ ధర 65.61 కోట్ల రూపాయలు. స్టాంప్ డ్యూటీతో కలిపి మొత్తం ధర 68.89 కోట్ల రూపాయలు. ఈ సూపర్-లగ్జరీ ఫ్లాట్‌తో ఐదు పార్కింగ్ స్లాట్‌లు అందించబడ్డాయి. ఈ అపార్ట్‌మెంట్ చదరపు అడుగుకు కార్పెట్ ఏరియా ఆధారంగా రేటు 1,14,068.61 రూపాయలు. అయితే సూపర్ ఏరియా ఆధారంగా లెక్కించితే చదరపు అడుగుకు రేటు 1,08,631 రూపాయలు.