బెంగళూరులోని ఎం.చిన్నస్వామి స్టేడియం అంటేనే పరుగుల వరద. ఇక్కడి పిచ్ ఫ్లాట్గా ఉండటంతో పాటు బౌండరీ లైన్లు చాలా తక్కువ దూరంలో ఉంటాయి. దీనివల్ల బ్యాటర్లకు భారీ సిక్సర్లు కొట్టడం సులభం అవుతుంది. అయితే నేటి మధ్యాహ్నం మ్యాచ్ కావడంతో పిచ్ మొదట్లో కొంచెం పొడిగా ఉండే అవకాశం ఉంది, ఇది స్పిన్నర్లకు స్వల్పంగా సహకరించవచ్చు. కానీ మ్యాచ్ గడిచేకొద్దీ బ్యాటింగ్కు మరింత అనుకూలిస్తుంది. టాస్ గెలిచిన అక్షర్ పటేల్ ముందుగా బౌలింగ్ ఎంచుకోవడానికి ప్రధాన కారణం ‘ఛేజింగ్’ అడ్వాంటేజ్. ఇక్కడ ఎంతటి భారీ స్కోరునైనా ఛేజ్ చేసే అవకాశం ఉంటుంది.
చిన్నస్వామి స్టేడియం విరాట్ కోహ్లీకి హోమ్ గ్రౌండ్ మాత్రమే కాదు, అతని సామ్రాజ్యం. ఇక్కడ కోహ్లీకి అద్భుతమైన రికార్డు ఉంది. ఈ పిచ్పై బంతి నేరుగా బ్యాట్పైకి వస్తుంది కాబట్టి, పవర్ ప్లేలో కోహ్లీ భారీగా పరుగులు చేసే అవకాశం ఉంది. గత సీజన్లలో ఢిల్లీపై కోహ్లీకి మంచి ట్రాక్ రికార్డు ఉంది. అయితే, ఢిల్లీ బౌలర్లు లుంగీ ఎంగిడి మరియు ముఖేష్ కుమార్ ప్రారంభంలో స్వింగ్ చేయగలిగితే కోహ్లీని ఇబ్బంది పెట్టవచ్చు. ఒకసారి సెటిల్ అయితే మాత్రం కోహ్లీ ఈరోజు 50+ స్కోరు చేసే అవకాశాలు మెండుగా ఉన్నాయి. మరోవైపు, ఓపెనర్ ఫిల్ సాల్ట్ విద్వంసం సృష్టించగలిగితే RCB భారీ స్కోరు దిశగా వెళ్తుంది.
గ్రీన్ జెర్సీ సెంటిమెంట్ & విజయావకాశాలు
RCB ఈరోజు పర్యావరణ పరిరక్షణ కోసం ‘గ్రీన్ జెర్సీ’ ధరించి బరిలోకి దిగుతోంది. అయితే, గ్రీన్ జెర్సీలో RCBకి ఉన్న విన్నింగ్ శాతం తక్కువగా ఉండటం అభిమానులను కలవరపెడుతోంది. ఢిల్లీ టీమ్లో కేఎల్ రాహుల్ రూపంలో బలమైన బ్యాటర్ ఉన్నాడు, అతనికి ఈ మైదానంపై పూర్తి అవగాహన ఉంది. RCB బౌలింగ్లో భువనేశ్వర్ కుమార్ మరియు జోష్ హేజిల్వుడ్ పవర్ ప్లేలో వికెట్లు తీస్తేనే ఢిల్లీని కట్టడి చేయగలరు. రజత్ పటిదార్ కెప్టెన్సీలో RCB తన హోమ్ గ్రౌండ్లో ఈ సెంటిమెంట్ను బ్రేక్ చేసి విజయం సాధిస్తుందో లేదో చూడాలి.