David Miller Retirement: డేవిడ్ మిల్లర్ రిటైర్మెంట్.. అస‌లు విష‌యం ఇదీ..!

David Miller Retirement

David Miller Retirement: టీ20 ప్రపంచకప్ గెలిచిన తర్వాత టీమ్ ఇండియా కెప్టెన్ రోహిత్ శర్మ, స్టార్ బ్యాట్స్‌మెన్ విరాట్ కోహ్లీ టీ20 ఇంటర్నేషనల్‌కు రిటైర్మెంట్ ప్రకటించారు. దీని తర్వాత ఆల్ రౌండర్ రవీంద్ర జడేజా కూడా రిటైర్మెంట్ ప్రకటించాడు. ముగ్గురు భారత ఆటగాళ్లు రిటైర్మెంట్ తర్వాత, దక్షిణాఫ్రికా స్టార్ ప్లేయర్ డేవిడ్ మిల్లర్ కూడా రిటైర్మెంట్ (David Miller Retirement) ప్రకటించినట్లు వార్త‌లు వచ్చాయి. అయితే, ఇప్పుడు మిల్లర్ ఓ విషయాన్ని స్వయంగా చెప్పాడు.

డేవిడ్ మిల్లర్ రిటైర్మెంట్‌పై మౌనం వీడాడు

తన రిటైర్మెంట్ గురించిన వార్త‌ల‌పై మిల్లర్ మౌనం వీడాడు. ఇన్‌స్టాగ్రామ్‌లో ఒక కథనాన్ని పంచుకుంటూ.. మిల్ల‌ర్ ఇలా వ్రాశాడు- “నేను T20 ఇంటర్నేషనల్ నుండి రిటైర్మెంట్ తీసుకున్నట్లు కొన్ని నివేదికలు క్లెయిమ్ చేస్తున్నాయి. అయితే, అది ఆ వార్త‌లు నిజం కాదు. టీ20 ఇంటర్నేషనల్‌ నుంచి నేను ఇంకా రిటైర్‌ కాలేదు. నేను దక్షిణాఫ్రికా తరఫున ఆడుతూనే ఉంటాను. నా బెస్ట్ ఇంకా రాలేదు. ” అని మిల్ల‌ర్ రాసుకొచ్చాడు.

Also Read: ​Shreyas Iyer: జింబాబ్వే టూర్‌కు అయ్య‌ర్‌ను కావాల‌నే ఎంపిక చేయ‌లేదా..?

సూర్య.. మిల్లర్ క్యాచ్ పట్టాడు

సూర్యకుమార్ యాదవ్ చివరి ఓవర్ మొదటి బంతికి డేవిడ్ మిల్లర్ క్యాచ్ ప‌ట్టి ఔట్ చేసిన విష‌యం తెలిసిందే. బౌండరీ లైన్‌లో సూర్య అద్భుతమైన క్యాచ్ పట్టాడు. దీంతో దక్షిణాఫ్రికా 7 పరుగుల తేడాతో ఓటమిని చవిచూడాల్సి వచ్చింది. ఈ మ్యాచ్‌లో మిల్లర్ 17 బంతుల్లో 21 పరుగులతో ఇన్నింగ్స్ ఆడాడు. ఇందులో ఒక ఫోర్, ఒక సిక్స్ ఉన్నాయి. డేవిడ్ మిల్లర్ ఆఖరి బంతి వరకు నిలదొక్కుకుని ఉంటే.. విజయం టీమిండియా చేతుల్లోంచి జారిపోయేది. దక్షిణాఫ్రికాతో జరిగిన ఓటమి తర్వాత మిల్లర్ చాలా ఎమోషనల్‌గా కనిపించాడు. వెక్కి వెక్కి ఏడుస్తూ కనిపించాడు. మిల్లర్‌ని అతని భార్య మౌనంగా చూసింది.

We’re now on WhatsApp : Click to Join

ఇంగ్లండ్‌పై అద్భుత ఇన్నింగ్స్ ఆడాడు

ఈ ప్రపంచకప్‌లో ఇంగ్లండ్‌పై మిల్లర్ 28 బంతుల్లో 43 పరుగులతో అద్భుత ఇన్నింగ్స్ ఆడాడు. ఇందులో 4 ఫోర్లు, 2 సిక్సర్లు ఉన్నాయి. ఈ సూపర్-8 మ్యాచ్‌లో దక్షిణాఫ్రికా 7 పరుగుల తేడాతో విజయం సాధించింది. అయితే ఫైనల్‌లో దక్షిణాఫ్రికా కేవలం 7 పరుగుల తేడాతో ఓటమిని చవిచూడాల్సి వచ్చింది.