Dhoni Hit Chahar: ఐపీఎల్ 2025 మూడో మ్యాచ్‌లో ఐదుసార్లు ఛాంపియన్ చెన్నై సూపర్ కింగ్స్ (CSK) ముంబై ఇండియన్స్‌ను నాలుగు వికెట్ల తేడాతో ఓడించింది. ఈ మ్యాచ్‌లో వెటరన్ క్రికెటర్ ఎంఎస్ ధోని (Dhoni Hit Chahar) కూడా చెన్నై తరఫున బ్యాటింగ్ చేయడానికి వచ్చాడు. అయితే కేవలం రెండు బంతులు మాత్రమే ఆడి పరుగులేమీ చేయలేదు. CSK తరుపున 65 పరుగులతో బలమైన ఇన్నింగ్స్ ఆడిన రచిన్ రవీంద్ర.. చివరి ఓవర్ బౌలింగ్ చేయడానికి వచ్చిన మిచెల్ సాంట్నర్ వేసిన తొలి బంతికే సిక్సర్ కొట్టి జట్టుకు విజయాన్ని అందించాడు.
జట్టు విజయంపై ధోనీ చాలా సంతోషంగా ఉన్నాడు. అనంతరం ముంబై ఆటగాళ్లందరితో ధోనీ కరచాలనం చేశాడు. ఈ సమయంలో ఒక దృశ్యం అందరి దృష్టిని ఆకర్షించింది. ఇక్కడ ధోనీ.. ముంబై స్టార్ ఫాస్ట్ బౌలర్ దీపక్ చాహర్‌తో సరదాగా ఆట ప‌ట్టించాడు. అతనిని సరదాగా బ్యాట్‌తో కొట్టాడు. వీరిద్దరి వీడియో సోషల్ మీడియాలో బాగా వైరల్ అవుతోంది. ధోనీ, దీపక్ చాహర్ ఒకరికొకరు చాలా మంచి బంధాన్ని ఏర్పాటు చేసుకున్న‌ట్లు ఈ వీడియోలో స్ప‌ష్టం అవుతోంది. ఇద్దరూ ఇంతకు ముందు చాలా సార్లు ఒకరితో ఒకరు సరదాగా గడిపారు.
Also Read: Nitishs Successor: బిహార్‌ పాలిటిక్స్‌లోకి కొత్త వారసుడు.. ఫ్యూచర్ అదేనా ?
Bat treatment for Deepak 😝😂 some fun moment btw Deepak and Dhoni there hod is something different ❤️😍
#CSKvMI #Dhoni #MSDhoni pic.twitter.com/YsX3ergbHu
— Bagad Billa (@maitweethoon) March 23, 2025
దీపక్ అద్భుతంగా ఆడాడు
CSKతో జ‌రిగిన మ్యాచ్‌లో ముంబై ఆట‌గాడు చాహర్.. బంతితో, బ్యాటింగ్‌తో అద్భుతంగా రాణించాడు. అతను మొదట బ్యాటింగ్‌లో తన సత్తాను ప్రదర్శించాడు. కేవలం 15 బంతుల్లో 28 పరుగులు చేశాడు. దీంతో ముంబై స్కోరు 150 దాటింది. దీని తర్వాత అతను బంతితో రాణించాడు. మొదటి ఓవర్‌లోనే తన జట్టుకు వికెట్ అందించాడు. చెన్నై ఓపెనర్ రాహుల్ త్రిపాఠి వికెట్ తీసిన తర్వాత ఘనంగా సంబరాలు చేసుకున్నాడు. బాల్, బ్యాట్‌తో దీపక్ చేసిన ఈ ప్రదర్శన ముంబైకి సానుకూల అంశాలలో ఒకటి.
ఈ మ్యాచ్‌లో తొలుత బ్యాటింగ్ చేసిన ముంబై జట్టు తిలక్ వర్మ 31 పరుగులు, కెప్టెన్ సూర్యకుమార్ యాదవ్ 29 పరుగులు, దీపక్ 28 పరుగుల ఆధారంగా 20 ఓవర్లలో తొమ్మిది వికెట్లకు 155 పరుగులు చేసింది. చెన్నై తరఫున నూర్ అహ్మద్ 18 పరుగులిచ్చి నాలుగు వికెట్లు తీశాడు. ఈ బలమైన ఇన్నింగ్స్‌లో రవీంద్ర 45 బంతుల్లో అజేయంగా 65 పరుగులు చేసి ప్లేయర్ ఆఫ్ ది మ్యాచ్‌గా ఎంపికయ్యాడు.
ఈ న్యూజిలాండ్ ఆటగాడితో ఓపెనింగ్ కాకుండా మూడో నంబర్‌లో బ్యాటింగ్ చేసిన కెప్టెన్ రుతురాజ్ గైక్వాడ్ 26 బంతుల్లో 53 పరుగులు చేశాడు. ఐపీఎల్ ఏ సీజన్‌లోనైనా ముంబై తన తొలి మ్యాచ్‌లో ఓడిపోవడం ఇది 13వ సారి అని మ‌న‌కు తెలిసిందే. టోర్నీలో చివరిసారిగా 2012లో తొలి మ్యాచ్‌లో ముంబై విజయం సాధించింది.