ఐపీఎల్ 16వ సీజన్‌లో అద్భుతమైన ఫామ్‌తో దూసుకెళ్తున్న గుజరాత్ టైటాన్స్ ఓపెనింగ్ బ్యాట్స్‌మెన్ శుభ్‌మన్ గిల్ (Shubman Gill) ఇప్పుడు సినీ ప్రపంచంలోనూ అద్భుతం చూపించేందుకు సిద్ధమయ్యాడు. స్పైడర్ మ్యాన్ (Spider-Man) అక్రాస్ ది స్పైడర్-వెర్స్ అనే యానిమేషన్ చిత్రంలో గిల్ (Shubman Gill) ఇండియన్ స్పైడర్ మ్యాన్‌కు వాయిస్‌ని అందించనున్నారు. ఈ సమాచారాన్ని సోనీ పిక్చర్స్ ఎంటర్‌టైన్‌మెంట్ ఇండియా మే 8న షేర్ చేసింది.
ఈ యానిమేషన్ చిత్రంలో హిందీ, పంజాబీ భాషల్లో స్పైడర్ మ్యాన్‌కి శుభ్‌మన్ గిల్ వాయిస్‌ని అందించనున్నారు. త్వరలోనే ఈ సినిమా ట్రైలర్‌ను విడుదల చేయనున్నారు. 2021లో వచ్చిన స్పైడర్ మ్యాన్ నో వే హోమ్‌ సినిమా సూపర్ హిట్‌గా నిలిచింది. ఇప్పుడు దీని సీక్వెల్ కోసం అభిమానులంతా ఎదురుచూస్తున్నారు. ఇప్పుడు దేశీ స్పైడర్ మ్యాన్ పవిత్ర ప్రభాకర్‌కి శుభ్‌మన్ గిల్ వాయిస్‌ని ఇవ్వడంతో, అభిమానులు కూడా దీని గురించి చాలా ఆసక్తిగా చూస్తున్నారు.
స్పైడర్‌మ్యాన్‌కి వాయిస్‌ని అందించిన శుభ్‌మన్ గిల్ మాట్లాడుతూ.. తొలిసారిగా ఇండియన్ స్పైడర్ మ్యాన్ ఈ చిత్రం ద్వారా పెద్ద తెరపై కనిపించనున్నాడు. హిందీ, పంజాబీ భాషల్లో ఇండియన్ స్పైడర్ మ్యాన్ వాయిస్‌ని అందించడం నాకు మరపురాని క్షణం. ఈ సినిమా విడుదల కోసం ఆసక్తిగా ఎదురుచూస్తున్నాను అని పేర్కొన్నాడు.
Also Read: KKR vs PBKS: ఈడెన్ లో అదరగొట్టిన కోల్ కత్తా… పంజాబ్ కింగ్స్ పై విజయం
సూపర్ ఫామ్ లో గిల్
ఐపీఎల్ 16వ సీజన్‌లో గుజరాత్ టైటాన్స్ జట్టుకు చెందిన శుభ్‌మన్ గిల్ బ్యాట్ రాణిస్తోంది. గిల్ ఇప్పటివరకు 11 ఇన్నింగ్స్‌ల్లో 46.90 సగటుతో 469 పరుగులు చేశాడు. ఇందులో 4 అర్ధ సెంచరీ ఇన్నింగ్స్‌లు కూడా ఉన్నాయి. ప్రస్తుతం అత్యధిక పరుగులు చేసిన బ్యాట్స్‌మెన్ జాబితాలో గిల్ మూడో స్థానంలో ఉన్నాడు. ప్రస్తుతం గుజరాత్ టైటాన్స్ 16 పాయింట్లతో పాయింట్ల పట్టికలో మొదటి స్థానంలో ఉంది. ప్లేఆఫ్స్‌లో ఆ జట్టు స్థానం దాదాపు ఖాయం అయినట్లే.