Concussion Substitute: పుణె వేదికగా ఇంగ్లండ్పై టీమిండియా 15 పరుగుల తేడాతో ఘన విజయం సాధించింది. ఈ మ్యాచ్లో విజయం సాధించిన టీమిండియా సిరీస్లో 3-1తో తిరుగులేని ఆధిక్యంలో నిలిచింది. ఈ మ్యాచ్లో టీమ్ ఇండియా ఐసీసీ కంకషన్ నిబంధనను (Concussion Substitute) ఉపయోగించింది. ఈ నిబంధన కారణంగా జట్టు రెండో ఇన్నింగ్స్లో శివమ్ దూబే స్థానంలో హర్షిత్ రాణాను సబ్స్టిట్యూట్ ప్లేయర్గా ఉంచింది. ఈ నిర్ణయం పట్ల ఇంగ్లండ్ జట్టు సంతోషంగా లేదని తెలుస్తోంది. అసలు కంకషన్ నియమం అంటే ఏమిటో ఇప్పుడు తెలుసుకుందాం!
కంకషన్ ప్రత్యామ్నాయ నియమాలు ఏమిటో తెలుసా?
ICC నియమాల ప్రకారం.. సెక్షన్ 1.2.7.3 ప్రకారం మ్యాచ్ రిఫరీ ఒక కంకషన్ రీప్లేస్మెంట్ అభ్యర్థనను తప్పక ఆమోదించాలి. ఇలా భర్తీ చేయడం వలన ఆయా జట్టుకు మిగిలిన మ్యాచ్లకు పెద్దగా ప్రయోజనం ఉండదు. ఐసీసీ సెక్షన్ 1.2.7.4, 1.2.7.5 ప్రకారం.. నియమించబడిన కంకషన్ రీప్లేస్మెంట్ను అదే ప్లేయర్గా పరిగణించాలా వద్దా అని అంచనా వేయాలి. ICC మ్యాచ్ రిఫరీలు కంకషన్ ఉన్న ఆటగాడు మ్యాచ్ మిగిలిన సమయంలో ఎలాంటి పాత్ర పోషించవచ్చో పరిగణించాలి. ICC మ్యాచ్ రిఫరీ అతని లేదా ఆమె సాధారణ పాత్రను నిర్వహిస్తున్నప్పుడు నియమించబడిన కంకషన్ రీప్లేస్మెంట్ను చేర్చడం అతని లేదా ఆమె జట్టుకు అపారమైన ప్రయోజనాన్ని కలిగిస్తుందని విశ్వసిస్తే ICC మ్యాచ్ రిఫరీ గుర్తింపు, పాల్గొనడంపై కొన్ని షరతులు విధించవచ్చని చెబుతోంది. కంకషన్ సబ్ స్టిట్యూట్ అంటేఆటగాళ్లకు ఏదైనా గాయమైనప్పుడు వారి స్థానంలో వచ్చే మరో ఆటగాడిని ఇలా పిలుస్తుంటారు.
Also Read: Budget 2025: బడ్జెట్ 2025.. రియల్ ఎస్టేట్, స్టార్టప్ కంపెనీల వృద్ధికి కీలక ప్రకటన!
హర్షిత్ రాణా మ్యాచ్ స్వరూపాన్నే మార్చేశాడు
ఈ మ్యాచ్లో శివమ్ దూబేకి అవకాశం లభించింది. ఈ మ్యాచ్లో అతను 34 బంతుల్లో 53 పరుగులు చేశాడు. అయితే ఇన్నింగ్స్ ముగియకముందే బాల్ దూబే తలకు తగిలింది. ఆ తర్వాత అతని కంకషన్ స్థానంలో హర్షిత్ రానాకు అవకాశం వచ్చింది. రాణా 33 పరుగులిచ్చి 3 వికెట్లు తీశాడు. టీమిండియా విజయంలో కీలక పాత్ర పోషించాడు.