Suryakumar Yadav: ముంబై ఇండియ‌న్స్‌కు షాక్‌.. జ‌ట్టులోకి స్టార్ బ్యాట్స్‌మెన్ డౌటే..?

Suryakumar Yadav 1

Suryakumar Yadav: ఐపీఎల్ 2024 8వ మ్యాచ్‌లో ముంబై ఇండియన్స్ బుధవారం సన్‌రైజర్స్ హైదరాబాద్‌తో తలపడనుంది. హైదరాబాద్‌లోని రాజీవ్ గాంధీ ఇంటర్నేషనల్ స్టేడియంలో రాత్రి 7:30 గంటలకు ఈ మ్యాచ్ జరగనుంది. మ్యాచ్‌కు ముందు ఎంఐకి బ్యాడ్ న్యూస్ అందుతుంది. స్టార్ బ్యాట్స్‌మెన్ సూర్యకుమార్ యాదవ్ (Suryakumar Yadav) ఇప్పటికీ పూర్తి ఫిట్‌గా లేడు. ఇలాంటి పరిస్థితుల్లో బుధవారం జరిగే మ్యాచ్‌కు అతడు దూరమయ్యే అవకాశం ఉంది.

NCA నుంచి గ్రీన్ సిగ్నల్ రాలేదు

స్పోర్ట్స్ నివేదిక ప్రకారం.. సూర్యకుమార్ యాదవ్ ఇంకా పూర్తిగా కోలుకోలేదు. అతను ఐపీఎల్ ఆడేందుకు ఇంకా నేషనల్ క్రికెట్ అకాడమీ (ఎన్‌సీఏ) నుంచి ఫిట్‌నెస్ క్లియరెన్స్ పొందలేదు. ఇటువంటి పరిస్థితిలో అతను సన్‌రైజర్స్ హైదరాబాద్‌తో మ్యాచ్‌కు దూరంగా ఉండవచ్చు అని నివేదిక‌లు పేర్కొన్నాయి. గాయం కారణంగా సూర్య గుజరాత్ టైటాన్స్‌తో తొలి మ్యాచ్ కూడా ఆడలేదు. ఈ మ్యాచ్‌లో ఎంఐ 6 పరుగుల తేడాతో ఓటమిని చవిచూడాల్సి వచ్చింది. సూర్యకుమార్ లేకపోవడంతో ముంబై ఇండియన్స్ మిడిలార్డర్ చాలా బలహీనంగా కనిపిస్తోంది. మిడిలార్డర్‌లో అనుభవం లేమి స్పష్టంగా కనిపిస్తోంది.

Also Read: India And Australia: ఆస్ట్రేలియా క్రికెట్ బోర్డు షెడ్యూల్‌ విడుదల.. భార‌త్‌తో ఐదు మ్యాచ్‌ల టెస్టు సిరీస్‌..!

జర్మనీలో శస్త్రచికిత్స జరిగింది

దక్షిణాఫ్రికా పర్యటనలో సూర్యకుమార్ యాదవ్ టీం ఇండియా టీ20 టీమ్‌కి కెప్టెన్సీని తీసుకున్నాడని మ‌న‌కు తెలిసిందే. ఈ సిరీస్‌లో స్కై గాయపడ్డాడు. అతని మడమకు గాయమైంది. ఆ తర్వాత ఆఫ్ఘనిస్థాన్‌తో సిరీస్‌ కూడా ఆడలేకపోయాడు. Mr. 360కి జర్మనీలో స్పోర్ట్స్ హెర్నియా సర్జరీ జరిగింది. ఈ పరిస్థితిలో అతను NCA నుండి అనుమతి పొందినప్పుడే IPLలో ఆడటం కనిపిస్తుంది. గతంలో కూడా మార్చి 19న సూర్యకు ఫిట్‌నెస్ టెస్ట్ నిర్వహించారు.

We’re now on WhatsApp : Click to Join

ఐపీఎల్‌లో సూర్యకుమార్ ప్రదర్శన

ఐపీఎల్‌లో సూర్యకుమార్ యాదవ్ ప్రదర్శన గురించి మాట్లాడుకుంటే.. అతను ఇప్పటివరకు ఆడిన 139 మ్యాచ్‌లలో 3,249 పరుగులు చేశాడు. ఈ సమయంలో అతని సగటు 32.17, స్ట్రైక్ రేట్ 143.32. లీగ్‌లో సూర్య 21 అర్ధ సెంచరీలతో పాటు 1 సెంచరీ సాధించాడు. అతను 16 ఇన్నింగ్స్‌లలో 181 కంటే ఎక్కువ స్ట్రైక్ రేట్‌తో 605 పరుగులు చేశాడు.