BCCI Earnings: ఒక ఐపీఎల్ మ్యాచ్ ద్వారా బీసీసీఐ ఎంత సంపాదిస్తుంది అంటే?

BCCI Earnings: బీసీసీఐ ప్రపంచంలోని అత్యంత ధనవంతమైన క్రికెట్ బోర్డులలో ఒకటి. ఇక్కడ ఐపీఎల్ ఒక్కో మ్యాచ్ నుంచి బీసీసీఐ ఎన్ని కోట్ల రూపాయలు సంపాదిస్తుందో (BCCI Earnings) ఇప్పుడు తెలుసుకుందాం. బీసీసీఐ ఐపీఎల్ ద్వారా కోట్లాది రూపాయలు సంపాదిస్తోంది. బీసీసీఐ ఆదాయానికి ప్రధాన వనరులు మీడియా రైట్స్, స్పాన్సర్‌షిప్‌లు, ఫ్రాంచైజీ డబ్బు, టికెట్ అమ్మకాలు. ఇక్కడ ఐపీఎల్ ఒక్కో మ్యాచ్ నుంచి బీసీసీఐ ఆదాయం గురించి తెలుసుకుందాం. 2023-27 కాలానికి ఐపీఎల్ మీడియా రైట్స్ 48,390 కోట్ల రూపాయలకు విక్రయించబడ్డాయి. ఇందులో 23,575 కోట్ల రూపాయలు టెలివిజన్ రైట్స్‌కు సంబంధించినవి. ఇవి డిస్నీ స్టార్ వద్ద ఉన్నాయి.

డిజిటల్ రైట్స్ జియో సినిమా వద్ద ఉన్నాయి. ఇవి 23,758 కోట్ల రూపాయలకు విక్రయించబడ్డాయి. అయితే ఇప్పుడు డిస్నీ స్టార్, జియో సినిమా విలీనం అయ్యాయి. 2023-27 కాలంలో బీసీసీఐ మొత్తం 410 మ్యాచ్‌లను నిర్వహించాలని ప్లాన్ చేస్తోంది. మీడియా రైట్స్ ద్వారా మాత్రమే బీసీసీఐ ఒక్కో మ్యాచ్ నుంచి సుమారు 118 కోట్ల రూపాయలు సంపాదిస్తోంది. ఇంకా టైటిల్ స్పాన్సర్ టాటా సన్స్ నుంచి ఐదేళ్లకు 2,500 కోట్ల రూపాయలు వస్తున్నాయి. ఇతర స్పాన్సర్ల నుంచి కూడా 1,485 కోట్ల రూపాయలు బీసీసీఐకి అందుతున్నాయి.

Also Read: Sonali Bendre: సోనాలి బింద్రే.. ఒక‌ప్పుడు ఈ పాక్ క్రికెట‌ర్ క్ర‌ష్ అని మీకు తెలుసా?

టికెట్ అమ్మకాల ద్వారా కూడా బీసీసీఐ గణనీయమైన ఆదాయాన్ని ఆర్జిస్తోంది. 2023లో బీసీసీఐ మొత్తం 11,769 కోట్ల రూపాయల ఆదాయాన్ని సంపాదించింది. ఇందులో 5,120 కోట్ల రూపాయలు సర్‌ప్లస్‌గా ఉన్నాయి. నివేదికల ప్రకారం.. మీడియా రైట్స్, స్పాన్సర్‌షిప్‌లు, టికెట్ అమ్మకాలు, ఇతర వనరులను కలిపితే బీసీసీఐ ఒక్కో మ్యాచ్ నుంచి సుమారు 150 నుంచి 200 కోట్ల రూపాయలు సంపాదిస్తోంది.