Gautam Gambhir: భార‌త్ జ‌ట్టు కోచ్‌గా టీమిండియా మాజీ క్రికెట‌ర్‌..?

Gautam Gambhir: భారత జట్టుకు కొత్త కోచ్‌ని తెచ్చే ప్రయత్నాలు ముమ్మరం చేసింది బీసీసీఐ. తాజాగా న్యూజిలాండ్‌ దిగ్గజం స్టీఫెన్‌ ఫ్లెమింగ్‌ కోచ్‌ పదవికి పోటీ పడుతున్నట్లు సమాచారం వ‌చ్చింది. ఆ తర్వాత ఆస్ట్రేలియా గ్రేట్ బ్యాట్స్‌మెన్ రికీ పాంటింగ్ పేరు కూడా తెరపైకి వచ్చింది. అయితే ఇప్పుడు భారత మాజీ క్రికెటర్ గౌతమ్ గంభీర్‌ (Gautam Gambhir)కు కోచ్ బాధ్యతలు అప్పగిస్తున్నట్లు వార్తలు వస్తున్నాయి. టీ20 ప్రపంచకప్ 2024 ముగిసిన తర్వాత టీమిండియా ప్రధాన కోచ్‌గా రాహుల్ ద్రవిడ్ పదవీకాలం ముగుస్తోందని మ‌న‌కు తెలిసిందే. ఆయన తర్వాత కొత్త కోచ్ పదవీకాలం జూలై 1 నుంచి ప్రారంభం కానుంది.

ఈఎస్‌పిఎన్ క్రిక్‌ఇన్‌ఫో నివేదిక ప్రకారం బీసీసీఐ గౌతమ్ గంభీర్‌ను ప్రధాన కోచ్‌గా నియమించాలని కోరింది. గంభీర్ ప్రస్తుతం ఐపీఎల్ 2024లో కోల్‌కతా నైట్ రైడర్స్ మెంటార్‌గా వ్యవహరిస్తున్నాడు. సీజన్ ముగిసిన తర్వాత బీసీసీఐ అధికారులు గంభీర్‌తో ఈ అంశంపై బహిరంగంగా చర్చించవచ్చని భావిస్తున్నారు. ఐపీఎల్ 2024 ఫైనల్ మే 26న జరగాల్సి ఉండగా.. కోచ్ పదవికి దరఖాస్తు చేసుకోవడానికి బీసీసీఐ మే 27ని చివరి తేదీగా నిర్ణయించింది.

Also Read: BCCI Secretary: జై షా.. బీసీసీఐ సెక్రటరీ ఎలా అయ్యాడో తెలుసా..?

గౌతం గంభీర్‌కు కోచింగ్‌ అనుభవం లేదు

గౌతమ్ గంభీర్‌కు అంతర్జాతీయ లేదా దేశీయ స్థాయిలో కూడా కోచింగ్ అనుభవం లేదనేది గమనించదగ్గ విషయం. అతను 2022-2023లో లక్నో సూపర్ జెయింట్స్‌కు మెంటార్‌గా ఉన్నాడు. ఇప్పుడు 2024లో కోల్‌కతా నైట్ రైడర్స్ సిబ్బందిలో భాగమయ్యాడు. గంభీర్ LSGతో ఉన్నంత కాలం అతని జట్టు రెండుసార్లు ప్లేఆఫ్‌లకు చేరుకుంది. ఇప్పుడు IPL 2024లో అతను KKR టేబుల్ టాపర్‌గా నిలిచేందుకు సహాయం చేశాడు.

We’re now on WhatsApp : Click to Join

రాహుల్ ద్రవిడ్ నిరాకరించాడు

గత ఏడాది 2023 వన్డే క్రికెట్ ప్రపంచకప్ తర్వాత కోచ్‌గా రాహుల్ ద్రవిడ్ పదవీకాలం పొడిగించబడిందని, అది జూన్ 30తో ముగుస్తుందని గుర్తుంచుకోండి. భారత జట్టు ప్రధాన కోచ్‌గా కొనసాగాలనే కోరిక తనకు లేదని ద్రవిడ్ స్పష్టం చేశాడు. కనీసం టెస్టు ఫార్మాట్‌లోనైనా కోచ్‌గా కొనసాగాలని పలువురు సీనియర్ ఆటగాళ్లు డిమాండ్ చేశారు. అయితే ద్రావిడ్ అప్పటికే తన నిర్ణ‌యాన్ని బోర్డు పెద్ద‌ల‌కు తెలిపాడు.