Australia vs India: ఆస్ట్రేలియాతో భారత జట్టు ప్రపంచకప్ ప్రచారాన్ని ప్రారంభించనుంది. అక్టోబరు 8వ తేదీ ఆదివారం చెన్నైలో భారత్, ఆస్ట్రేలియా (Australia vs India) మధ్య మ్యాచ్ జరగనుంది. ఈ మ్యాచ్ కోసం భారత్, ఆస్ట్రేలియాతో పాటు ప్రపంచ వ్యాప్తంగా ఉన్న అభిమానులు ఎంతో ఆసక్తిగా ఎదురుచూస్తున్నారు. ఈ మ్యాచ్‌కి ముందు ఈ రెండు జట్ల వన్డే చరిత్రను చెప్పుకుందాం.
ODI ఫార్మాట్‌లో భారతదేశం- ఆస్ట్రేలియాలకు మంచి గణాంకాలే ఉన్నాయి. ఈ రెండు జట్లు 1980 నుంచి 2023 వరకు మొత్తం 149 వన్డే మ్యాచ్‌లు ఆడాయి. ఈ కాలంలో ఆస్ట్రేలియా 83 మ్యాచ్‌లు గెలుపొందగా, భారత్ 56 మ్యాచ్‌ల్లో మాత్రమే విజయం సాధించింది. అదే సమయంలో 10 మ్యాచ్‌ల ఫలితం తేలలేదు. ఈ రెండు జట్ల మధ్య ఒక్క మ్యాచ్ కూడా టై కాలేదు.
ODI ఫార్మాట్‌లో భారత్ vs ఆస్ట్రేలియా మ్యాచ్‌ల గణాంకాలు
భారత్‌లో ఈ రెండు జట్ల మధ్య మొత్తం 70 మ్యాచ్‌లు జరిగాయి. అందులో భారత్ 32 మ్యాచ్‌లు గెలుపొందగా, ఆస్ట్రేలియా 33 మ్యాచ్‌లు గెలిచింది. అదే సమయంలో 5 మ్యాచ్‌లలో ఎటువంటి ఫలితం తేలలేదు. ఆస్ట్రేలియాలో ఈ రెండు జట్ల మధ్య మొత్తం 54 మ్యాచ్‌లు జరగగా అందులో భారత్ 14 మ్యాచ్‌లు గెలవగా, ఆస్ట్రేలియా 38 మ్యాచ్‌లు గెలిచింది. అదే సమయంలో 2 మ్యాచ్‌లలో ఎటువంటి ఫలితం తేలలేదు.
Also Read: Team India: తొలి మ్యాచ్‌కి ముందు టీమిండియాకి షాక్ ల మీద షాక్..!
We’re now on WhatsApp. Click to Join.
ఈ రెండు జట్ల మధ్య తటస్థ వేదికలపై 25 మ్యాచ్‌లు జరగగా, అందులో భారత్ 10 మ్యాచ్‌లు గెలవగా, ఆస్ట్రేలియా 12 మ్యాచ్‌లు గెలిచింది. అదే సమయంలో 3 మ్యాచ్‌ల్లో ఫలితం తేలలేదు. ICC ODI ప్రపంచకప్‌లో ఈ రెండు జట్ల మధ్య మొత్తం 12 మ్యాచ్‌లు జరగగా అందులో భారత్ 4 మ్యాచ్‌లు గెలవగా, ఆస్ట్రేలియా 8 మ్యాచ్‌లు గెలిచింది. చెన్నైలో ఈ రెండు జట్ల మధ్య 3 వన్డే మ్యాచ్‌లు జరిగాయి. ఇందులో భారత్ 1 మ్యాచ్‌లో మాత్రమే గెలుపొందగా, ఆస్ట్రేలియా 2 మ్యాచ్‌లు గెలిచింది.
ఈ లెక్కలన్నీ చూస్తుంటే వన్డే ఫార్మాట్ చరిత్రలో భారత్ పై ఆస్ట్రేలియాదే పైచేయి అయినట్లు కనిపిస్తోంది. అయితే ఈ ప్రపంచకప్‌లో ఈ రెండు జట్లూ చాలా బలమైనవి. ప్రపంచ కప్ విజేతలుగా నిలిచేందుకు బలమైన పోటీదారులు కూడా. ఇలాంటి పరిస్థితుల్లో అక్టోబరు 8న చెన్నైలో ఆసక్తికరంగా మ్యాచ్ జరగనుందన్న ఆశాభావం అభిమానుల్లో నెలకొంది.