Virat Kohli: 70 వేల మంది అభిమానుల సమక్షంలో కేక్ కట్ చేయనున్న కింగ్ కోహ్లీ..!

virat kohli

Virat Kohli: నవంబర్ 5 భారత క్రికెట్ జట్టు మాజీ కెప్టెన్, స్టార్ బ్యాట్స్‌మెన్ విరాట్ కోహ్లీ (Virat Kohli) పుట్టినరోజు. అదే రోజు కోల్‌కతాలోని ఈడెన్ గార్డెన్స్‌లో టీమిండియా దక్షిణాఫ్రికాతో తలపడనుంది. ఈ సందర్భాన్ని చిరస్మరణీయంగా మార్చేందుకు బెంగాల్ క్రికెట్ అసోసియేషన్ పూర్తి స్థాయిలో సన్నాహాలు చేసింది. వాస్తవానికి నవంబర్ 5న స్టేడియంలో విరాట్ కోహ్లీ మాస్క్ ధరించి దాదాపు 70 వేల మంది అభిమానులు కనిపిస్తారు. దీంతోపాటు ప్రత్యేకంగా కేక్ కట్ చేయనున్నారు. బెంగాల్ క్రికెట్ అసోసియేషన్ విరాట్ కోహ్లీ పుట్టినరోజును ప్రత్యేకంగా చేయడానికి ఎటువంటి ఛాన్స్ ని వదిలివేయడానికి ఇష్టపడటం లేదు.

TOI నివేదిక ప్రకారం.. బెంగాల్ క్రికెట్ అసోసియేషన్ అధ్యక్షుడు మాట్లాడుతూ.. “ప్రతి అభిమాని విరాట్ కోహ్లీ మాస్క్ ధరించి ఈడెన్ గార్డెన్స్‌కు రావాలని మేము కోరుకుంటున్నాము. నవంబర్ 5న అతని పుట్టినరోజు సందర్భంగా సుమారు 70,000 కోహ్లీ మాస్క్‌లను పంపిణీ చేయడానికి మేము ప్లాన్ చేస్తున్నాము.” అని తెలిపారు.

Also Read: Virat Kohli Hundreds: కోహ్లీ సెంచరీ చేయాలని కోరుకుంటున్న పాకిస్తాన్ స్టార్ క్రికెటర్..!

కోహ్లి పుట్టినరోజున ఏం జరుగుతుందంటే..?

విరాట్ కోహ్లీ పుట్టినరోజు సందర్భంగా కోల్‌కతాలోని ఈడెన్ గార్డెన్స్‌లో కేక్ కట్ చేయనున్నారు. ఇది కాకుండా 70 వేల మంది ప్రేక్షకులు విరాట్ మాస్క్ ధరించనున్నారు. ఈడెన్ గార్డెన్స్‌లో లేజర్ షో నిర్వహించి పెద్ద సంఖ్యలో పటాకులు పేల్చనున్నారు.

We’re now on WhatsApp : Click to Join

కోహ్లీకి టీమ్ ఇండియా ఓ స్పెషల్ గిఫ్ట్

కోహ్లి పుట్టినరోజున టీమిండియా దక్షిణాఫ్రికాతో తలపడనుంది. ఇలాంటి పరిస్థితుల్లో భారత జట్టు తన మాజీ కెప్టెన్‌కు విజయాన్ని కానుకగా అందించాలనుకుంటోంది. పాయింట్ల పట్టికలో టీమ్ ఇండియా అగ్రస్థానంలో ఉంది. ఇప్పటి వరకు భారత జట్టు 6 మ్యాచ్‌లు ఆడగా, రోహిత్ శర్మ సారథ్యంలోని అన్ని మ్యాచ్‌ల్లోనూ ప్రత్యర్థి జట్లను ఓడించింది.

ఈ టోర్నీలో విరాట్‌ కోహ్లి అద్భుతంగా రాణిస్తున్నాడు. అత్యధిక పరుగులు చేసిన బ్యాట్స్‌మెన్‌ల జాబితాలో విరాట్ కోహ్లీ ఆరో స్థానంలో ఉన్నాడు. ఇప్పటి వరకు విరాట్ కోహ్లీ 6 మ్యాచ్‌ల్లో 88.50 సగటుతో 354 పరుగులు చేశాడు. అయితే విరాట్ కోహ్లి పుట్టిన రోజు నాడు దక్షిణాఫ్రికాపై కచ్చితంగా భారీ ఇన్నింగ్స్ ఆడతాడని భారత అభిమానులు ఆశాభావం వ్యక్తం చేస్తున్నారు.