India squad: సెప్టెంబరు 23 నుంచి ప్రారంభం కానున్న ఆసియా క్రీడ (Asian Games)ల కోసం భారత జట్టు (India squad)ను క్రీడా మంత్రిత్వ శాఖ ప్రకటించింది. భారత జట్టులో 634 మంది ఆటగాళ్లకు చోటు దక్కింది. భారత్ నుంచి మొత్తం 634 మంది ఆటగాళ్లు 38 ఈవెంట్లలో పాల్గొంటారు. ఈసారి ఆసియా క్రీడలు చైనాలో నిర్వహిస్తున్నారు. ఈ గేమ్స్ సెప్టెంబర్ 23 నుండి అక్టోబర్ 8 వరకు జరగనున్నాయి. చివరి ఆసియా క్రీడల ఈవెంట్ 2018 సంవత్సరంలో జకార్తాలో జరిగింది. అప్పుడు భారత బృందంలో 572 మంది ఆటగాళ్లు ఉన్నారు.
ట్రాక్ అండ్ ఫీల్డ్ ఈవెంట్‌ల బృందం అతిపెద్దది
ఆసియా క్రీడలు 2023లో ట్రాక్ అండ్ ఫీల్డ్ ఈవెంట్లలో భారత్ నుండి దాదాపు 65 మంది క్రీడాకారులు పతకాల కోసం పోరాడనున్నారు. ఇందులో 34 మంది పురుషుల అథ్లెట్లు కాగా, 31 మంది మహిళా అథ్లెట్లు. అదే సమయంలో మహిళల ఫుట్‌బాల్ జట్టులో 22 మంది క్రీడాకారులు ఉన్నారు. భారత పురుషుల ఫుట్‌బాల్ జట్టు 22 మంది ఆటగాళ్లతో కూడిన జట్టును కలిగి ఉంది. ఈ విధంగా ఫుట్‌బాల్‌లో భారత్‌కు మొత్తం 44 మంది ఆటగాళ్లు ఉన్నారు. ఆ తర్వాత భారత హాకీ జట్టు మూడో స్థానంలో నిలిచింది. భారత్ హాకీ జట్టులో 36 మంది ఆటగాళ్లు ఉన్నారు. భారత పురుషుల, మహిళల హాకీ జట్టులో 18-18 మంది క్రీడాకారులు ఎంపికయ్యారు. ఈ విధంగా 36 మంది ఆటగాళ్లతో కూడిన జట్టు ఉంది.
Also Read: Virat Kohli: విరాట్‌ కోహ్లీకి బీసీసీఐ వార్నింగ్‌.. అసలేం చేశాడంటే..?
భారత పురుషుల, మహిళల క్రికెట్ జట్టులో 15-15 మంది క్రీడాకారులు చోటు దక్కించుకున్నారు. ఈ విధంగా క్రికెట్‌లో మొత్తం 30 మంది భారత ఆటగాళ్లు ఉన్నారు. ఇది కాకుండా షూటింగ్, రోయింగ్‌లో వరుసగా 30, 33 మంది ఆటగాళ్లు ఉన్నారు. ఆసియా క్రీడల్లో ఈ క్రీడలే కాకుండా స్టార్ రెజ్లర్ బజరంగ్ పునియా, చెస్ ప్లేయర్ ప్రజ్ఞానంద కూడా ఉన్నారు. ఇతర క్రీడల గురించి మాట్లాడుకుంటే.. భారత క్రీడాకారులు వెయిట్ లిఫ్టింగ్, జిమ్నాస్టిక్స్, హ్యాండ్‌బాల్, రగ్బీలలో పతకాల కోసం బరిలోకి దిగనున్నారు. అయితే ఆసియా క్రీడల్లో భారత ఆటగాళ్లు ఎలా రాణిస్తారనేది ఆసక్తికరంగా మారింది.