Vistara Plane: విమానం ఇంజన్ ఫెయిల్.. ప్రయాణికులు సేఫ్!

బ్యాంకాక్‌ నుంచి బయలుదేరిన విమానం ఢిల్లీలో దిగిన వెంటనే విస్తారా విమానం ఇంజన్‌ ఒకటి పనిచేయలేదు. విమానాన్ని ట్యాక్సీవే నుంచి పార్కింగ్ ప్రాంతానికి లాగాల్సి వచ్చిందని ఎయిర్‌లైన్ తెలిపింది. అయితే, ప్రయాణికులు సురక్షితంగా ఉన్నారని విమానయాన సంస్థ తెలిపింది. బ్యాంకాక్-ఢిల్లీ విమానం UK-122 సింగిల్ ఇంజిన్‌లో ఢిల్లీ విమానాశ్రయంలో ల్యాండ్ అయినప్పుడు ఈ సంఘటన జరిగింది. “ఢిల్లీలో దిగిన తర్వాత ఫ్లైట్ UK122 (BKK-DEL)కి విద్యుత్ లోపం ఏర్పడింది. ప్రయాణీకుల భద్రత, సౌకర్యాన్ని దృష్టిలో ఉంచుకుని వెంటనే ATCకి సమాచారం అందించారు. విమానాన్ని పార్కింగ్ బేకు లాగారు. విషయాన్ని డీజీసీఏకు నివేదించాం’’ అని ఎయిర్‌లైన్స్ పేర్కొంది.