తిరుమల తిరుపతి దేవస్థానం డిసెంబర్ కోటా రూ.300 ప్రత్యేక దర్శన టిక్కెట్లను రేపు (25వ తేదీ సోమవారం) ఉదయం 10 గంటలకు విడుదల చేయనుంది. ముందుగా ఈ నెల 24న అనుకున్నా ఆదివారం కావడంతో రేపటికి మార్చిన‌ట్లు టీటీడీ తెలిపింది. ఈ నెల 26, 27 తేదీల్లో తిరుమల వసతి గదులను విడుదల చేయనున్నారు. తిరుమల తిరుపతి దేవస్థానం (టిటిడి) భక్తులు ఈ షెడ్యూల్‌ను అనుసరించి, తదనుగుణంగా తమ దర్శన టిక్కెట్లు, వసతి గదులను బుక్ చేసుకోవాలని కోరింది. మరోవైపు తిరుమల వార్షిక బ్రహ్మోత్సవాలు అంగరంగ వైభవంగా జరుగుతున్నాయి. ఏడో రోజు సూర్యప్రభ వాహనంపై వేంకటేశ్వరుడు దర్శనమివ్వగా, పెద్ద సంఖ్యలో భక్తులు పాల్గొన్నారు. భక్తులు దేవుడికి కర్పూర నీరాజనాలు (వెలిగించిన కర్పూర నైవేద్యం) నిర్వహించారు.
TTD : రేపు ఉదయం ప్రత్యేక దర్శన టికెట్లు విడుదల చేయ‌నున్న టీటీడీ
Ttd Special Darshan Tickets