TSRTC : మ‌హిళా దినోత్స‌వం సంద‌ర్భంగా టీఎస్ఆర్టీసీ ప్ర‌త్యేక బ‌స్సులు

Tsrtc

తెలంగాణ రాష్ట్ర రోడ్డు రవాణా సంస్థ (TSRTC) మార్చి 8 అంతర్జాతీయ మహిళా దినోత్సవం సందర్భంగా బాలికలు, మహిళా ప్రయాణికుల కోసం ప్రత్యేక బస్సు సర్వీసులను ప్రవేశపెట్టింది. హైదరాబాద్ శివార్ల నుంచి నగరంలోని పలు ప్రాంతాలకు మహిళల ప్రత్యేక బస్సు సర్వీసులు నడపనున్నారు. మహిళలు, బాలికలు సురక్షిత ప్రయాణానికి ఈ సేవలను వినియోగించుకోవాలని టీఎస్‌ఆర్‌టీసీ మేనేజింగ్‌ డైరెక్టర్‌ వీసీ సజ్జనార్‌ కోరారు. ఉప్ప‌ల్ నుంచి ఘట్‌కేసర్‌ మీదుగా బోగారం, బోగారం నుంచి ఘట్‌కేసర్‌ మీదుగా సికింద్రాబాద్‌, ఎల్‌బీ నగర్‌ నుంచి ఇబ్రహీంపట్నం, ఇబ్రహీంపట్నం నుంచి ఎల్‌బీనగర్‌ వరకు ప్రత్యేక బస్సు సర్వీసులను ఏర్పాటు చేశారు. గురునానక్ యూనివర్శిటీకి ప్రత్యేక బస్సు సర్వీసులను కూడా పొడిగించనున్నారు. బస్సు మార్గాలు ఎల్‌బి నగర్ నుండి ఇబ్రహీంపట్నం – గురునానక్ విశ్వవిద్యాలయం మరియు గురునానక్ విశ్వవిద్యాలయం నుండి ఎల్‌బి నగర్ వరకు ఉంటాయి.