హైదరాబాద్లోని టోలీచౌకి వద్ద నటుడు మంచు మనోజ్ కారుకు జరిమానా విధించారు. టింటెడ్ గ్లాస్ నిబంధనలు ఉల్లంఘించినందుకు ఈ జరిమానా విధించినట్లు పోలీసులు తెలిపారు. ఇప్పటికే టింటెడ్ గ్లాస్ నిబంధనలకు సంబంధించి ప్రయాణికులను హెచ్చరించిన హైదరాబాద్ ట్రాఫిక్ పోలీసులు, టోలీచౌక్ సెంటర్లో మంచు మనోజ్ కారును ఆపి రూ.700 జరిమానా విధించారు. మంచు మనోజ్ డ్రైవింగ్ సీట్లో ఉండగా పోలీసులు అక్కడికక్కడే టింటెడ్ గ్లాస్ను తొలగించారు. టింటెడ్ గ్లాస్ వాడకాన్ని సుప్రీంకోర్టు నిషేధించింది. వాహనం యొక్క కిటికీ పూర్తిగా పారదర్శకంగా ఉండాలని సుప్రీంకోర్టు పేర్కొంది. కానీ, కొంతమంది సెలబ్రిటీలు తమ గోప్యత కోసం టింట్ను ఉపయోగిస్తున్నారు, అయితే ఇది ట్రాఫిక్ నిబంధనలను ఉల్లంఘన కిందకు వస్తుందని.. నిబంధనలను ఉల్లంఘించే వారికి కఠినమైన శిక్ష ఉంటుందని హైదరాబాద్ ట్రాఫిక్ పోలీసులు హెచ్చిరిస్తున్నారు.