దేశంలో రోజురోజుకు పెరుగుతున్న కరోనా కేసుల దృష్ట్యా (Coronavirus Guidelines) కేంద్రం అప్రమత్తమైంది. అన్ని రాష్ట్రాలకు మార్గదర్శకాలు జారీ చేసింది కేంద్ర ప్రభుత్వం. వాస్తవానికి, కేంద్ర ఆరోగ్య మంత్రి మన్సుఖ్ మాండవియా శుక్రవారం మధ్యాహ్నం రాష్ట్రాలు, కేంద్ర పాలిత ప్రాంతాల ఆరోగ్య మంత్రులతో సమావేశమయ్యారు. వర్చువల్గా జరిగిన ఈ సమావేశంలో కరోనాపై సమీక్ష జరిగింది. సమావేశం అనంతరం రాష్ట్ర ప్రభుత్వాలకు మార్గదర్శకాలను విడుదల చేశారు.
కోవిడ్-19 నిర్వహణ కోసం రాష్ట్రాలు అప్రమత్తంగా ఉండాలని, పూర్తిగా సిద్ధంగా ఉండాలని కేంద్ర ఆరోగ్య మంత్రి సూచించారు. అన్ని ఆసుపత్రుల్లో మౌలిక సదుపాయాలకు సంబంధించి ఏప్రిల్ 10, 11 తేదీల్లో మాక్ డ్రిల్ నిర్వహించాలని రాష్ట్ర ఆరోగ్య శాఖ మంత్రులను ఆయన కోరారు. దీంతో పాటు ఏప్రిల్ 8, 9 తేదీల్లో జిల్లా యంత్రాంగం, ఆరోగ్యశాఖ అధికారులతో ఆరోగ్య సంసిద్ధతపై సమీక్షించాలని కోరారు..నాలుగు రోజుల్లోనే దేశంలో కరోనా కేసులు రెట్టింపు అయ్యాయి. గడిచిన 24 గంటల్లో మొత్తం 6,050 కరోనా ఇన్ఫెక్షన్ కేసులు నమోదయ్యాయని ఆరోగ్య మంత్రిత్వ శాఖ వెల్లడించింది. ఇది కాకుండా, క్రియాశీల రోగుల సంఖ్య ఇప్పుడు 28,303కి పెరిగింది.
ఈ కాలంలో 14 మంది రోగులు ప్రాణాలు కోల్పోయారని మంత్రిత్వ శాఖ తెలిపింది. మృతుల సంఖ్య 5 లక్షల 30 వేల 943కి పెరిగింది. మహారాష్ట్రలో ముగ్గురు, కర్ణాటక, రాజస్థాన్లలో ఇద్దరు, ఢిల్లీ, గుజరాత్, హర్యానా, హిమాచల్ ప్రదేశ్, జమ్మూ కాశ్మీర్, పంజాబ్లలో ఒక్కొక్కరు చొప్పున మరణించారు.