‘ది కశ్మీర్ ఫైల్స్’ఈ మూవీ మార్చి 11న దేశవ్యాప్తంగా విడుదల అయ్యింది. ఎలాంటి ప్రమోషన్లను లేకుండా సైలెంట్ గా రిలీజ్ అయిన సంచలనం క్రియేట్ చేసింది. జీ స్టూడియోస్, తెలుగు నిర్మాత అభిషేక్ అగర్వాల్ కలిసి ఈ సినిమాను నిర్మించారు. డైరెక్టర్ వివేక్ అగ్నిహోత్రి డైరెక్షన్ లో ఈ మూవీ తెరకెక్కింది. మిథున్ చక్రవర్తి, అనుపమ్ ఖేర్, పల్లవిజోషీ వంటి ఎంతోమంది బాలీవుడ్ నటులు ఈ మూవీలో నటించారు. ప్రధాని మోదీ ఈ సినిమాను చూసిన చిత్ర యూనిట్ ను అభినందించారు. ఎంతో మంది ప్రముఖలు ఈ సినిమాపై ప్రశంసలు కురిపించారు.
ఇక ఈ మూవీ బాక్సాఫీస్ వద్ద సరికొత్త ట్రెండ్ ను క్రియేట్ చేసింది. దాదాపు 250కోట్ల మార్కును దాటేసింది. ఇప్పుడు ఈ మూవీ OTTలో ఎప్పుడు వస్తుందన్న ఆసక్తి అందరీలోనూ నెలకొంది. ది కశ్మీర్ ఫైల్ మూవీ OTTరిలీజ్ మే నెలలో జీ 5లో రిలీజ్ కానుంది. తొందర్లో మేకర్స్ ఈ మూవీని ఓటీటీలో రిలీజ్ డేట్ ను ప్రకటించనున్నారు. అయితే ఈ సినిమాకు పలు రాష్ట్రాల్లో ట్యాక్స్ మినహాయింపు కూడా ఇచ్చారు. ఉత్తరప్రదేశ్, కర్నాటక, గుజరాత్, హర్యానా వంటి రాష్ట్రాల్లో ఈ సినిమాకు ఎంటర్ టైన్ మెంట్ ట్యాక్స్ మినహింపు ఇచ్చారు. ఇక అస్సాం ప్రభుత్వం అయితే ఈ సినిమా కోసం తమ ఉద్యోగులకు సెలవులు కూడా ప్రకటించింది. ఈ మూవీ రివ్యూలు ఎక్కడచూసినా పాటిజివ్ గా వచ్చాయి. విమర్శకులుకూడా ప్రశంసలు కురిపించారు.