Telugu Student: ఇటలీలో తెలుగు విద్యార్థి మృతి.. త్వరలో ఇంటికి వస్తానని చెప్పి..?
- Written By: Prasad
- Publish Date - June 12, 2022 / 12:50 PM IST
ఇటలీలో ఉన్నత చదువులు చదువుతున్న కర్నూలుకు చెందిన ఓ యువకుడు నీటిలో మునిగి మృతి చెందాడు కర్నూలు బాలాజీనగర్‌లోని బాలాజీ అపార్ట్‌మెంట్‌లో నివాసం ఉంటున్న చిలుమూరు శ్రీనివాసరావు, శారదాదేవి దంపతుల పెద్ద కుమారుడు దిలీప్ అగ్రికల్చర్‌లో బీఎస్సీ చదివాడు. దిలీప్ ఇటలీలోని మిలన్ విశ్వవిద్యాలయం నుండి M.Sc అగ్రికల్చర్‌లో సీటు పొందాడు. 2019 సెప్టెంబర్‌లో ఇటలీ వెళ్లిన దిలీప్ గత ఏడాది ఏప్రిల్‌లో సెలవుల కోసం కర్నూలుకు వచ్చాడు. తరువాత అతను సెప్టెంబర్‌లో ఇటలీకి తిరిగి వెళ్లాడు. త్వరలో ఉద్యోగం వస్తుందని, ఇటీవలే కోర్సు పూర్తి చేసి కర్నూలుకు వస్తానని దిలీప్ తల్లిదండ్రులకు చెప్పాడు. అయితే పీజీ పూర్తయిన ఆనందంలో దిలీప్ శుక్రవారం అక్కడి మోంటెరోసో బీచ్‌కు వెళ్లాడు. సాయంత్రం సమయంలో ఒడ్డుకు వచ్చిన అలలు సముద్రంలో మునిగిపోయాయి. దిలీప్‌ను రక్షించేందుకు కోస్ట్‌గార్డ్‌ సిబ్బంది చేసిన ప్రయత్నాలు ఫలించకపోవడంతో మృతదేహం లభ్యమైంది. మృతదేహాన్ని స్వదేశానికి తరలించేందుకు అధికారులు ప్రయత్నిస్తున్నారు. కొడుకు మృతితో తల్లిదండ్రులు కన్నీరుమున్నీరుగా విలపించారు