1 Killed : ఓహియోలో తెలుగు యువ‌కుడిపై కాల్పులు

కొలంబస్‌లోని ఫ్రాంక్లింటన్‌లోని వెస్ట్ బ్రాడ్ స్ట్రీట్‌లోని ఫ్యూయల్ స్టేషన్‌లో గురువారం ఉదయం సాయిష్ వీర అనే 24 ఏళ్ల తెలుగు వ్యక్తిని గుర్తు తెలియని వ్యక్తులు కాల్చి చంపారు. ఆంధ్రప్రదేశ్‌లోని ఏలూరుకు చెందిన తెలుగు విద్యార్థి సాయిష్ తన మాస్టర్స్ కోర్సు కోసం అమెరికా వెళ్లి షెల్ ఫ్యూయల్ స్టేషన్‌లో క్లర్క్‌గా పనిచేస్తున్నాడు. అతను తన చివరి సెమిస్టర్ కోర్సును అభ్యసిస్తున్నాడు. వివ‌రాల ప్రకారం, స్థానిక కాలమానం ప్రకారం అర్ధరాత్రి 12.50 గంటలకు సాయీష్ వీరపై దుండగుడు కాల్పులు జరిపాడు. వెంటనే ఆసుపత్రికి తరలించగా, కొద్దిసేపటికే మృతి చెందినట్లు వైద్యులు తెలిపారు. కొలంబస్ పోలీసులు అనుమానితుడి ఫోటోలను విడుదల చేశారు మరియు అతని గురించి ఏదైనా సమాచారం తెలిస్తే త‌మ‌కు తెల‌పాల‌ని ప్ర‌జ‌లకు విజ్ఞ‌ప్తి చేశారు.