తెలంగాణలో కరోనా కేసులు రోజురోజుకూ తగ్గిపోతున్నాయి. ఒకవైపు ప్రభుత్వం వ్యాక్సినేషన్ ప్రక్రియను వేగవంతం చేయడం, ప్రజలు తగు జాగ్రత్తలు తీసుకోవడంతో మహమ్మారి ప్రభావం చాలా వరకు తగ్గింది. ఫలితంగా తెలంగాణలో గడిచిన 20 రోజుల్లో ఒక్క కరోనా కేసు నమోదు కాలేదు. ఫిబ్రవరి 24 న కొవిడ్ మరణం తరువాత, తెలంగాణలో కోవిడ్ మరణాలు లేవని రిపోర్ట్ లో తేలింది. రాష్ట్రంలో కరోనా కొత్త వేరియంట్ కొంతవరకు ఉన్నా.. 20 రోజులకు పైగా ఎటువంటి మరణాలు సంభవించకపోవడం ఇదే మొదటిసారి.
ఓమిక్రాన్ వేరియంట్ క్షీణత ప్రభావం దీనికి కారణమని వైద్యులు పేర్కొన్నారు. ఇది డెల్టా వేరియంట్‌కు వ్యతిరేకంగా అంత వైరస్‌గా లేదు. “ఓమిక్రాన్ వేరియంట్ కారణంగా శరీర నొప్పులు, నీరసం, జ్వరం వంటి లక్షణాలు చాలా తీవ్రంగా ఉంటాయి. మునుపటి డెల్టా వేవ్ కు వ్యత్యాసం ఏమిటంటే.. ఓమిక్రాన్ ఊపిరితిత్తులపై ప్రభావం చూపలేదు. శరీరంలోని ఆక్సిజన్ స్థాయిలు స్థిరంగా ఉన్నాయి. తద్వారా ఆసుపత్రిలో చేరాల్సిన అవసరం తగ్గుతుంది. తత్ఫలితంగా, లక్షణాల కారణంగా బాధపడుతున్నప్పటికీ ఓమిక్రాన్‌కు పాజిటివ్ పరీక్షించిన వ్యక్తులు ఇంట్లోనే కోలుకున్నారు, ”అని ఫీవర్ హాస్పిటల్ సూపరింటెండెంట్ డాక్టర్ కె శంకర్ తెలిపారు.