2022 అసెంబ్లీ ఎన్నికల్లో మొత్తం ఐదు రాష్ట్రాలలో ఓటమిని చవిచూసిన కాంగ్రెస్ ఇప్పుడు తెలంగాణలో కార్యాచరణకు సిద్ధమైంది. వచ్చే ఏడాది జరగనున్న అసెంబ్లీ ఎన్నికలపై మేధోమథనంతో పాటు ప్రస్తుత రాజకీయ పరిస్థితులపై చర్చించేందుకు కాంగ్రెస్ అధినేత రాహుల్ గాంధీ సోమవారం రాష్ట్ర పార్టీ నేతలతో సమావేశమవుతున్నారు. రాహుల్ గాంధీ తన నివాసంలో టీ కాంగ్రెస్ సీనియర్ నేతలతో సమావేశం కానున్నారు. ఈ భేటితో గత ఏడు రోజుల్లో తెలంగాణ పార్టీ నేతలతో రాహుల్ గాంధీ రెండోసారి భేటీ అయ్యారు .ఈ సమావేశంలో వరి సేకరణ అంశంపై కూడా కాంగ్రెస్ ప్రధాన అజెండాలో చర్చ జరగనుంది.
రాష్ట్ర ముఖ్యమంత్రి కె చంద్రశేఖర్ రావు తన జాతీయ ఆశయాలను పెంచుకుంటూ, 2024 లోక్‌సభ ఎన్నికల కోసం బిజెపియేతర, కాంగ్రెసేతర కూటమిని ఏర్పాటు చేయాలని పార్టీలకు పిలుపునిచ్చిన కీలక సమయంలో ఈ సమావేశం జరగనుంది. ముఖ్యంగా తెలంగాణలో 2018లో జరిగిన అసెంబ్లీ ఎన్నికల్లో కాంగ్రెస్ తెలుగుదేశం పార్టీతో చేతులు కలిపింది. అయితే ఆ ఎన్నికల్లో కేసీఆర్ తెలంగాణ రాష్ట్ర సమితి విజయం సాధించింది. ఆ తర్వాత కాంగ్రెస్, కేసీఆర్ పార్టీ మధ్య పొత్తు కుదిరిందని వార్తలు వచ్చాయి. అయితే గత నెలలో తెలంగాణ కాంగ్రెస్ చీఫ్ రేవంత్ రెడ్డి తెలంగాణ రాష్ట్ర సమితి పార్టీతో పొత్తు పెట్టుకునే అవకాశాలను కొట్టిపారేశారు. పాత పార్టీ ఏ పార్టీతోనైనా పొత్తు పెట్టుకుంటుంది… కానీ టీఆర్ఎస్‌తో మాత్రం పొత్తు ఉండ‌ద‌న్నారు.