Kumari Aunty: సోషల్ మీడియాని షేక్ చేస్తున్న కుమారీ ఆంటీ డీజే సాంగ్.. ఆమె క్రేజ్ మామూలుగా లేదుగా?

Kumari Aunty Food

గత కొద్ది రోజులుగా సోషల్ మీడియాలో వినిపిస్తున్న పేరు కుమారి ఆంటీ. రెండు రోజుల కింద వరకు ముఖ్యంగా తెలంగాణలో ఈ పేరు సంచలనంగా మారింది. ఎక్కడ చూసినా కూడా ఆమె ఫుడ్ వీడియోస్ మనకు ఎక్కువగా కనిపిస్తున్నాయి. ఎక్స్ట్రా రెండు లివర్లు మొత్తం వెయ్యి అనే ఒక్క మాటతో ఆమె బాగా ఫేమస్ అయ్యింది. మాదాపూర్ ఏరియాలో దాదాపు 13 ఏళ్ల నుంచి రోడ్డు పక్కన ఫుడ్ బిజినెస్ ని రన్ చేస్తూ వస్తున్న ఆమె కష్టమర్ల సంఖ్య ఎక్కువ అవ్వడంతో విపరీతంగా ధరలు పెంచేసింది అంటూ సోషల్ మీడియాలో ట్రోలింగ్స్ చేయడం మొదలుపెట్టారు. అయితే సోషల్ మీడియాలో ట్రోల్స్ చేయడం ఆమెకు ఒకింత బాగా కలిసి వచ్చిందని చెప్పాలి.

ఆమెపై ట్రోలింగ్స్ మొదలు పెట్టిన తర్వాత ఆమెకు కస్టమర్ల సంఖ్య మరింత పెరిగింది. ఇంకేముంది నెట్టింట ఆవిడ రీల్స్, డైలాగ్స్, వీడియోస్ తెగ వైరలయ్యాయి. దీంతో ఆమెను ఇంటర్వ్యూ చేసేందుకు సోషల్ మీడియా ఛానల్స్ క్యూ కట్టాయి. మీది మొత్తం 1000 అయ్యింది రెండు లివర్లు ఎక్స్ ట్రా అనేది కేవలం ఇద్దరికి కాదనీ మొత్తం ఆరుగురికి కలిసి అంత బిల్ అయ్యిందని ఆ తర్వాత ఆమె క్లారిటీ ఇచ్చింది. అయితే అప్పటికే కుమారీ ఆంటీ పేరు నెట్టింట మారుమోగింది. అయితే ఇటీవలే ఆమె ఫుడ్ బిజినెస్ వల్ల భారీగా ట్రాఫిక్ జామ్ ఏర్పడి ప్రయాణికులకు ఇబ్బంది అవుతుందని పోలీసులు షాప్ క్లోజ్ చేసిన సంగతి తెలిసిందే. ఆమె షాప్ జోలికి వెళ్లొద్దంటూ ఏకంగా సీఎం రేవంత్ రెడ్డి ఆదేశాలు ఇచ్చినట్లు తెలిసింది.

దీంతో కుమారీ ఆంటీ ఫుడ్ షాప్ మళ్లీ ఓపెన్ అయ్యింది. ప్రస్తుతం ఆమె ఫుడ్ బిజినెస్ ఇప్పుడు బాగా జరుగుతుంది. తాజాగా కుమారీ ఆంటీపై డీజే సాంగ్ రూపొందించారు. నెల్లూరుకు చెందిన హరీష్ కుమారీ ఆంటీ మాటలను తీసుకుని డీజే సాంగ్ సెట్ చేశాడు. ఇన్ స్టాలో షేర్ చేసిన ఈ వీడియోకు క్షణాల్లోనే భారీ వ్యూస్ వచ్చాయి. అంతేకాదు దాదాపు రూ. 5.67 మిలియన్స్ లైక్స్ వచ్చాయి. సాంగ్ అదిరిపోయిందంటూ కామెంట్స్ చేస్తున్నారు నెటిజన్స్. ప్రస్తుతం ఈ సాంగ్ సోషల్ మీడియాని షేక్ చేస్తోంది. ఆ వీడియోని చూసిన నెటిజెన్స్ కుమారి ఆంటీ క్రేజ్ మామూలుగా లేదుగా అంటూ కామెంట్లు చేస్తున్నారు.