దేశంవ్యాప్తంగా సంచలనం రేపిన చండీగఢ్ యూనివర్సిటీ కేసులో రోజుకో సంచలన విషయాలు బయటకు వస్తున్నాయి. హాస్టల్లో పలువురు విద్యార్థినులు స్నానం చేస్తున్న వీడియోలు బయటకు లీక్ అవ్వడంతో పరిస్థితి ఉద్రిక్తంగా మారింది. ఈ కేసులో మరో విషయం బయటపడింది. ఈ వీడియోల కేసులో లోతైన కుట్ర జరిగినట్లు తెలుస్తోంది. సీనియర్ ఐపీఎస్ అధికారి గురుప్రీత్ కౌర్ డియో నేతృత్వంలో ముగ్గురు మహిళా పోలీసు అధికారులతో కూడిన సిట్‌ను ఏర్పాటు చేశారు. హిమాచల్‌లోని రోహ్రు నుండి పట్టుబడిన నిందితుడు సన్నీ విద్యార్థిని ప్రేమ పేరుతో ట్రాప్ చేసి అశ్లీల వీడియో కోసం ప్రయత్నించాడని, ఆ తర్వాత అతని స్నేహితుడు రాంకజ్ వర్మతోపాటు మరో యువకుడు ఆమెను బ్లాక్‌మెయిల్ చేశారని ప్రాథమిక విచారణలో తేలింది. ఆమెను బెదిరించి ఇతర బాలికలకు సంబంధించిన అసభ్యకర వీడియోలు తీసుకున్నారు.
నిందితులు వీడియోలను అమ్మేశారా?
నిందితులు ఈ వీడియోలను విక్రయించి ఉంటారని పోలీసులు అనుమానిస్తున్నారు. గుజరాత్, ముంబైలలో దీనికి గురించి స్ట్రింగ్స్ కనెక్ట్ అవుతున్నాయని తెలిపారు. ఈ కేసులో అరెస్టయిన నిందితుడు విద్యార్థిని, ఆమె ప్రియుడు సన్నీ, రాంకజ్ వర్మలను ఖరార్ కోర్టు ఏడు రోజుల పోలీసు రిమాండ్‌కు పంపింది.
ముగ్గురు నిందితుల మొబైల్ ఫోన్‌లకు గుజరాత్, ముంబై నుంచి పలు కాల్స్ వచ్చాయని, ఈ ముగ్గురిని విచారిస్తామని పోలీసులు కోర్టుకు తెలిపారు. ఈ కేసులో మరో వ్యక్తి కూడా ఉన్నట్లు పోలీసులు తెలిపారు. అతన్ని పట్టుకునే ప్రయత్నాలు జరుగుతున్నాయన్నారు.
నిందితులు ఫోన్లు మొబైల్స్ ఫోరెన్సిక్ ల్యాబ్‌కు
నిందితురాలి సహా ముగ్గురు నిందితుల మొబైల్ ఫోన్లను పరీక్షల నిమిత్తం ఫోరెన్సిక్ ల్యాబ్‌కు పంపారు. మొబైల్ నుంచి పలు వీడియోలను డిలీట్ చేసినట్లు తెలిసింది. ఆ యువతి తన ప్రియుడు సన్నీకి పంపిన వీడియోను అతడు వేరే మొబైల్లో భద్రపరిచేవాడని తెలిసింది. ఆ మొబైల్ ను సన్నీ నుంచి రికవరీ చేసుకుంటున్నట్లు పోలీసులు తెలిపారు.