SBI Clerks Notification: నిరుద్యోగులకు గుడ్ న్యూస్.. డిగ్రీ అర్హతతో 8773 ఉద్యోగాలు..!

Sbi Clerk 5000 Jobs

SBI Clerks Notification: SBI క్లర్క్ రిక్రూట్‌మెంట్ 2023 నోటిఫికేషన్ (SBI Clerks Notification) విడుదలైంది. జూనియర్ అసోసియేట్ 8283 పోస్టులకు దరఖాస్తు నవంబర్ 17 నుండి ప్రారంభమైంది. డిసెంబర్ 7వ తేదీ వరకు దరఖాస్తు చేసుకోవచ్చు. జనరల్, ఓబీసీ, ఈడబ్ల్యూఎస్ కేటగిరీలకు దరఖాస్తు రుసుము రూ.750. SC, ST, PWBD, ESM, DESM దరఖాస్తు రుసుము చెల్లింపు నుండి మినహాయించబడ్డారు. రిక్రూట్‌మెంట్ కింద క్లరికల్ కేడర్‌లో జూనియర్ అసోసియేట్ (కస్టమర్ సపోర్ట్ అండ్ సేల్స్) 8283 ఖాళీలు భర్తీ చేయనున్నారు.

ప్రిలిమినరీ పరీక్ష జనవరి 2024లో, మెయిన్స్ పరీక్ష ఫిబ్రవరిలో జరుగుతుంది. గుర్తింపు పొందిన విశ్వవిద్యాలయం నుండి ఏదైనా విభాగంలో గ్రాడ్యుయేషన్ లేదా కేంద్ర ప్రభుత్వంచే గుర్తింపు పొందిన ఏదైనా సమానమైన డిగ్రీ ఉన్న అభ్యర్థులు దరఖాస్తు చేసుకోవచ్చు. ముందుగా ఆన్‌లైన్ ప్రిలిమినరీ పరీక్ష ఉంటుంది. ఇందులో ఉత్తీర్ణులైన అభ్యర్థులను ఆన్‌లైన్ మెయిన్ పరీక్షకు పిలుస్తారు.

Also Read: Aurangzeb : ఆ చక్రవర్తి అసలు పేరు ఔరంగజేబ్ కాదు.. ఈ పేరు వెనుక ఉన్న కథ గురించి తెలుసా ?

ఒక గంటలో 100 మార్కులకు ప్రిలిమినరీ పరీక్ష

100 మార్కులకు ఆబ్జెక్టివ్ ఆన్‌లైన్ ప్రిలిమినరీ పరీక్ష ఉంటుంది. ఈ పరీక్ష 1 గంట ఉంటుంది. ఇందులో ఇంగ్లీష్ లాంగ్వేజ్, న్యూమరికల్ ఎబిలిటీ, రీజనింగ్ ఎబిలిటీ అనే మూడు విభాగాలు ఉంటాయి. ప్రిలిమ్స్‌లో ఉత్తీర్ణులైన వారిని మెయిన్స్ పరీక్షకు పిలుస్తారు. కాగా మెయిన్స్‌లో విజయం సాధించిన వారిని ఇంటర్వ్యూకు పిలుస్తారు. దీని తర్వాత తుది ఫలితం వెలువడనుంది.

We’re now on WhatsApp. Click to Join.

వయస్సు

20 సంవత్సరాల నుండి 28 సంవత్సరాలు ఉన్న అభ్యర్థులు దరఖాస్తు చేసుకోవచ్చు. అభ్యర్థులు 2 ఏప్రిల్ 1995కి ముందు, 1 ఏప్రిల్ 2003 తర్వాత జన్మించి ఉండకూడదు. వయస్సు 1 ఏప్రిల్ 2023 నుండి లెక్కించబడుతుంది. ఎస్సీ, ఎస్టీ వర్గాలకు ఐదేళ్లు, ఓబీసీలకు మూడేళ్లు వయో సడలింపు ఉంటుంది.

ముఖ్యమైన తేదీలు

ఆన్‌లైన్ దరఖాస్తు ప్రక్రియ ప్రారంభ తేదీ – 17 నవంబర్ 2023
ఆన్‌లైన్ దరఖాస్తుకు చివరి తేదీ – డిసెంబర్ 7, 2023
ప్రిలిమ్స్ అడ్మిట్ కార్డ్ – డిసెంబర్ 27, 2023 నుండి డౌన్‌లోడ్ చేసుకోవచ్చు.
ప్రిలిమ్స్ పరీక్ష తేదీ – జనవరి 2024
ప్రధాన పరీక్ష – ఫిబ్రవరి 2024 (అడ్మిట్ కార్డ్ ఫిబ్రవరి 15 నుండి)