SBI Apprentice Recruitment: స్టేట్ బ్యాంక్ ఆఫ్ ఇండియా అప్రెంటిస్ పోస్టుల భర్తీకి (SBI Apprentice Recruitment) సెప్టెంబర్ 1న నోటిఫికేషన్ విడుదల చేసింది. రిజిస్ట్రేషన్ ప్రక్రియ సెప్టెంబర్ 1, 2023 నుండి ప్రారంభమైంది. దరఖాస్తు చేసుకోవడానికి సెప్టెంబర్ 21, 2023 చివరి తేదీ అని అధికారులు తెలిపారు. ఈ రిక్రూట్‌మెంట్ డ్రైవ్ కింద స్టేట్ బ్యాంక్ ఆఫ్ ఇండియాలో 6,160 పోస్టులను భర్తీ చేయనున్నారు. ఈ పోస్టులకు దరఖాస్తు చేసుకోవాలనుకునే అభ్యర్థులు SBI అధికారిక వెబ్‌సైట్ sbi.co.in ద్వారా దరఖాస్తు చేసుకోవచ్చు. అభ్యర్థులు ఒక రాష్ట్రంలో మాత్రమే అప్రెంటీస్ పోస్టులకు దరఖాస్తు చేసుకోవచ్చు. అభ్యర్థులు ఒక్కసారి మాత్రమే పరీక్షకు హాజరు కాగలరు.
ముఖ్యమైన తేదీలు
– దరఖాస్తు ప్రారంభ తేదీ: సెప్టెంబర్ 1, 2023
– దరఖాస్తుకు చివరి తేదీ: సెప్టెంబర్ 21, 2023
– రాత పరీక్ష: అక్టోబర్/నవంబర్ 2023
Also Read: Video Viral: ర్యాంప్ వాక్ చేస్తుండగా ఈడ్చిపడేసిన సెక్యూరిటీ.. వీడియో వైరల్?
విద్యార్హత: అభ్యర్థి తప్పనిసరిగా గుర్తింపు పొందిన యూనివర్సిటీ/ఇన్‌స్టిట్యూట్ నుండి గ్రాడ్యుయేషన్ డిగ్రీని కలిగి ఉండాలి.
ఎంపిక ప్రక్రియ: ఎంపిక ప్రక్రియలో ఆన్‌లైన్ రాత పరీక్ష, స్థానిక భాషా పరీక్ష ఉంటాయి. రాత పరీక్షలో 100 ప్రశ్నలు ఉంటాయి.
పరీక్ష వ్యవధి: 60 నిమిషాలు
ప్రశ్న పత్రాలు 13 ప్రాంతీయ భాషలలో అందుబాటులో ఉంటాయి. జనరల్ ఇంగ్లీష్ పరీక్ష మినహా వ్రాత పరీక్ష కోసం ప్రశ్నలు 13 ప్రాంతీయ భాషలలో సెట్ చేయబడతాయి. ఇంగ్లీషు, హిందీతో పాటు అస్సామీ, బెంగాలీ, గుజరాతీ, కన్నడ, కొంకణి, మలయాళం, మణిపురి, మరాఠీ, ఒరియా, పంజాబీ, తమిళం, తెలుగు, ఉర్దూ భాషల్లో ప్రశ్నపత్రాలు అందుబాటులో ఉంటాయి.
దరఖాస్తు రుసుము: జనరల్/ఓబీసీ/ఈడబ్ల్యూఎస్ కేటగిరీకి చెందినవారికి దరఖాస్తు రుసుము రూ. 300. SC/ST/PWBD కేటగిరీ అభ్యర్థులకు ఫీజు చెల్లింపు నుండి మినహాయింపు ఉంది. మరిన్ని సంబంధిత వివరాల కోసం అభ్యర్థులు SBI అధికారిక సైట్‌ని తనిఖీ చేయవచ్చు.