Road Accident : పెద్ద అంబ‌ర్‌పేట ఓఆర్ఆర్‌పై కారు బీభ‌త్సం

హైద‌రాబాద్ పెద్ద అంబ‌ర్‌పేట వ‌ద్ద అర్థ‌రాత్రి కారు బీభ‌త్సం సృష్టించింది. ఒంగోలు నుండి హైదరాబాద్ బి.ఎన్ నగర్ కు వస్తుండగా పెద్ద అంబర్ పేట్ లో రోడ్డు పై ఆగి ఉన్న ఇద్దరిని కారు ఢీ కొట్టింది. అనంత‌రం పక్క‌నే ఉన్న లారీపై దూసుకెళ్లింది. ఈ ప్ర‌మాద స‌మ‌యంలో కారు లో ఉన్న ఆరుగురు ఉన్నారు. కారులో ఉన్న ఆరుగురుకి, రోడ్డుపై ఉన్న మ‌రో ఇద్ద‌రికి గాయాలైయ్యాయి. ఘ‌ట‌న‌లో ఇద్దరి పరిస్థితి విషమంగా ఉన్న‌ట్లు స‌మాచారం. క్ష‌త‌గాత్రుల‌ను హయత్ నగర్ మాక్స్ క్యూర్ హాస్పిటల్ కి తరలించారు. గాయపడిన వారు ఆరుగురు బి.ఎన్ రెడ్డి నగర్ కు చెందిన వీరన్నారాయణ కుటుంబంగా పోలీసులు గుర్తించారు.