Warrior: వారియర్‌గా రామ్‌ అదుర్స్.. ఇస్మార్ట్ పోలీస్‌ గెటప్‌లో దుమ్ములేపేశాడు..!!!

Warrior

ఎనర్జిటిక్ స్టార్ హీరో రామ్ పోతినేని నటిస్తున్న తాజాచిత్రం ది వారియర్. కోలివుడ్ డైరెక్టర్ లింగుస్వామి డైరెక్షన్ లో ఈ ద్విభాషా చిత్రం తెరకెక్కుతోంది. ఈ మూవీలో రామ్ పవర్ ఫుల్ పోలీస్ ఆఫీసర్ గా కనిపించనున్నాడు. ఇప్పటికే ది వారియర్ నుంచి వచ్చిన పోస్టర్స్ కు అదిరిపోయే రెస్పాన్స్ వచ్చింది. మొదటిసారిగా ఖాకీ యూనిఫామ్ ధరించిన రామ్ పోతినేని…పోలీసు గెటప్ లో ఫ్యాన్స్ ను ఆకట్టుకున్నాడు. ఇంతకుముందు రిలీజ్ చేసిన పోస్టర్ లో గన్ చేతబట్టి ఇంటెన్స్ లుక్ లో కనిపించాడు రామ్.

తెలుగు,తమిళ భాషల్లో ఒకేసారి రూపొందతున్న ఈ చిత్రాన్ని జూలై 14న వరల్డ్ వైడ్ గా గ్రాండ్ గా రిలీజ్ చేస్తున్నట్లు మేకర్స్ ఈ మధ్యే ప్రకటించారు. పవన్ కుమార్ సమర్పణలో శ్రీనివాసా సిల్వర్ బ్యానర్ పై శ్రీనివాస చిట్టూరి ఈ మూవీని నిర్మిస్తున్నారు. ఇక ఈ మూవీ రామ్ కెరీర్ లో 19వ సినిమా. ఇందులో కృతి శెట్టి హీరోయిన్ కాగా…అక్షర గౌడ్ ఒక మెయిన్ రోల్లో కనిపించనుంది. ఆది పినిశెట్టి పవర్ ఫుల్ విలన్ పాత్రలో నటిస్తుండగా…నదియా, నాజర్ కీలక పాత్రలు పోషిస్తున్నారు. మ్యూజిక్ దేవీ శ్రీ ప్రసాద్ సమకూరుస్తున్నారు.

ది వారియర్ మూవీతో కోలీవుడ్ లోకి ఎంట్రీ ఇస్తున్న రామ్…టాలీవుడ్ లోకి అడుగు పెడుతున్న డైరెక్టర్ లింగుస్వామి ఎలాంటి సక్సెస్ ను అందుకుండారో చూడాల్సిందే.