ప్రస్తుతం అగ్నిపథ్ పతాకంపై దేశంలో యువత తీవ్ర ఆందోళన చేస్తున్న సంగతి తెలిసిందే. కొన్ని చోట్లలో పెద్ద పెద్ద ఘర్షణలు కూడా జరగగా.. తెలంగాణ రాష్ట్రం సికింద్రాబాద్ రైల్వే స్టేషన్ లో రైళ్లకు నిప్పు అంటించి భారీ నిరసన చేపట్టారు. అంతేకాకుండా ఆ ఘటనలో చాలా మందికి గాయాలు కాగా.. ఒకరు మరణించారు.
దీంతో వెంటనే కేంద్ర ప్రభుత్వం అప్రమత్తం కాగా.. ప్రస్తుతం ఈ పథకంపై పలు చర్చలు జరుగుతున్నాయి. ఇక తాజాగా రక్షణ మంత్రి రాజ్ నాథ్ సింగ్.. అగ్నిపథ్ రిక్రూట్మెంట్ స్కీమ్ పై సర్వీస్ చీఫ్ లతో సమావేశం అయినట్లు తెలిసింది. ఈ నేపథ్యంలో నేవీ చీఫ్ అడ్మిరల్, ఐఏఎస్ చీఫ్, ఎయిర్ చీఫ్ మార్షల్ తో చర్చిస్తున్నట్లు తెలిసింది.
అంతేకాకుండా అగ్నిపథ్ స్కీమ్, దేశవ్యాప్త ఆందోళన పై చర్చించనున్నట్లు తెలుస్తోంది. ఇక ఈ సమావేశం అనంతరం రాజ్ నాథ్ సింగ్ కీలక ప్రకటన చేసే అవకాశం ఉన్నట్లు తెలుస్తుంది. ఇక కేంద్రం తీసుకొచ్చిన అగ్నిపథ్ పతాకంపై త్రివిధ దళాల్లో సైనిక నియమాల కోసం యువత ఆందోళన చేస్తుంది. రాజ్ నాథ్ సింగ్ ఈ పథకాన్ని సమర్థిస్తూ స్టేట్మెంట్ కూడా ఇచ్చారు. ఈ ఆందోళన ఉద్రిక్తత ఎక్కువగా కావటంతో రాజ్ నాథ్ సింగ్ కీలక సమీక్ష నిర్వహించినట్లు తెలిసింది.