Priyanka Gandhi : కేరళలోని వాయనాడ్ లోక్సభ ఉప ఎన్నికల్లో నాలుగు లక్షలకుపైగా ఓట్ల ఆధిక్యంతో విజయం సాధించిన ప్రియాంక గాంధీ, ఈ రోజు లోక్సభకు చేరి తన పదవీ ప్రమాణం స్వీకారం చేశారు. పార్లమెంట్ భవనానికి తల్లి సోనియా గాంధీ, సోదరుడు రాహుల్ గాంధీతో కలిసి చేరుకున్న ప్రియాంక, రాజ్యాంగ పుస్తకంతో ప్రమాణం చేశారు. లోక్సభ స్పీకర్ ఓం బిర్లా పిలుపు మేరకు ప్రియాంక గాంధీ నిబంధనల ప్రకారం ప్రమాణం చేసి, పార్లమెంటరీ ప్రజాస్వామ్యం పట్ల తన నిబద్ధతను ప్రకటించారు.
గాంధీ కుటుంబం నుండి ముగ్గురు పార్లమెంటులో
వాయనాడ్ ఉప ఎన్నికలో సీపీఎం అభ్యర్థి సత్యన్ మొకేరిపై ఘన విజయం సాధించిన ప్రియాంక, పార్లమెంటులో ప్రవేశంతో గాంధీ కుటుంబం నుంచి ముగ్గురు సభ్యులు తమ బాధ్యతలు చేపట్టారు. సోనియా గాంధీ రాజ్యసభ సభ్యురాలిగా, రాహుల్ గాంధీ రాయ్బరేలీ ఎంపీగా, ప్రియాంక వాయనాడ్ ఎంపీగా ఎన్నికయ్యారు. 1972 జనవరి 12న ఢిల్లీలో జన్మించిన ప్రియాంక గాంధీ, ప్రారంభ విద్య డెహ్రాడూన్లోని వెల్హామ్ బాలికల పాఠశాలలో పొందారు. తర్వాత 1989లో ఢిల్లీలోని కాన్వెంట్ ఆఫ్ జీసస్ అండ్ మేరీ పాఠశాలలో విద్య పూర్తిచేశారు. 1993లో ఢిల్లీ విశ్వవిద్యాలయం నుంచి సైకాలజీలో బిఏ పట్టా పొందిన ఆమె, 2010లో యుకెకేలోని సుందర్ల్యాండ్ విశ్వవిద్యాలయం ద్వారా బౌద్ధ అధ్యయనాల్లో పోస్ట్ గ్రాడ్యుయేట్ డిప్లొమా పూర్తిచేశారు.
1997లో ఢిల్లీ వ్యాపారవేత్త రాబర్ట్ వాద్రాను వివాహం చేసుకున్న ప్రియాంక, ఇద్దరు పిల్లలు రెహాన్ వాద్రా (కొడుకు) , మిరయా వాద్రా (కుమార్తె) తల్లిగా ఉన్నారు. 2019లో కాంగ్రెస్ పార్టీ ప్రధాన కార్యదర్శిగా నియమితులైన ప్రియాంక, తూర్పు ఉత్తరప్రదేశ్కు ఇన్ఛార్జ్గా బాధ్యతలు చేపట్టారు. 2022 ఉత్తరప్రదేశ్ అసెంబ్లీ ఎన్నికల్లో మహిళా సాధికారతను హైలైట్ చేస్తూ, “లడ్కీ హూన్, లడ్ శక్తి హూన్” నినాదం ద్వారా ప్రచారం నిర్వహించారు. అయితే, కాంగ్రెస్ ఈ ఎన్నికల్లో పెద్దగా రాణించలేకపోయింది. ప్రియాంక గాంధీ తొలిసారి లోక్సభ సభ్యురాలిగా ప్రమాణం చేయడం ద్వారా గాంధీ కుటుంబ రాజకీయ వారసత్వంలో కొత్త అధ్యాయం ప్రారంభమైంది. ప్రమాణ స్వీకార వేళ, ఆమె ప్రజాస్వామ్య, రాజ్యాంగ విలువల పట్ల గౌరవాన్ని ప్రకటించారు.
Allu Army : అల్లు ఆర్మీ మొదలైంది ఇక్కడే అంటూ ఫ్యాన్స్ లో జోష్ నింపిన అల్లు అర్జున్