PM Modi To Kumbh: ప్రధానమంత్రి నరేంద్ర మోదీ (PM Modi To Kumbh) ఈరోజు (ఫిబ్రవరి 5) ప్రయాగ్‌రాజ్‌లో పర్యటించనున్నారు. ఈ సమయంలో ప్రధాని మోదీ కొనసాగుతున్న మహాకుంభానికి చేరుకుని సంగమంలో పవిత్ర స్నానం చేయ‌నున్నారు. ప్రధాని పర్యటనకు ముందే అన్ని ఏర్పాట్లు చేశారు. జాతరలో భద్రత దృష్ట్యా ఎస్పీజీ బాధ్యతలు చేపట్టారు. అలాగే ఎయిర్, వాటర్ ఫ్లీట్, రోడ్ ఫ్లీట్ రిహార్సల్స్ చేశారు. సమాచారం ప్రకారం.. ప్రధాని మోదీతో పాటు ఉప ముఖ్యమంత్రులు కేశవ్ ప్రసాద్ మౌర్య, బ్రజేష్ పాఠక్, రాష్ట్ర ప్రభుత్వంలోని పలువురు సీనియర్ మంత్రులు కూడా హాజరుకానున్నారు.
జనవరి 13న ప్రారంభమైన మహాకుంభంలో ఇప్పటివరకు 38 కోట్ల మందికి పైగా భక్తులు పుణ్యస్నానాలు ఆచరించారు. వీరిలో కేంద్ర హోం మంత్రి అమిత్ షా, రక్షణ మంత్రి రాజ్‌నాథ్ సింగ్, కేంద్ర మంత్రి కిరణ్ రిజిజు, యూపీ మాజీ సీఎం అఖిలేష్ యాదవ్, ఉత్తరప్రదేశ్ ముఖ్యమంత్రి యోగి ఆదిత్యనాథ్ సహా పలువురు ప్రముఖులు ఉన్నారు. వీరితో పాటు పలు దేశాల ప్రతినిధులు కూడా మహాకుంభ్‌లో స్నానాలు చేశారు.
Also Read: Sweden Shooting: స్వీడన్‌లోని కాలేజీలో కాల్పులు.. 10 మంది మృతి
ప్రధాని మోదీ మహాకుంభ్ పర్యటన పూర్తి షెడ్యూల్ ఇది
- ఉద‌యం 10:05 గంట‌ల‌కు ప్రయాగ్‌రాజ్ విమానాశ్రయానికి ప్రధాని మోదీ చేరుకుంటారు.
- ఉద‌యం 10:10 గంట‌ల‌కు ప్రధాని ప్రయాగ్‌రాజ్ విమానాశ్రయం నుండి DPS హెలిప్యాడ్‌కు వెళతారు.
- ఉద‌యం 10:45 గంట‌ల‌కు ప్రధాన మంత్రి ఆరెల్ ఘాట్ చేరుకుంటారు.
- ఉద‌యం 10:50 గంట‌ల‌కు ఆరెల్ ఘాట్ నుండి మహాకుంబ్ చేరుకోవడానికి పడవలో వెళ్తారు.
- ఉద‌యం 11:00 నుంచి 11:30 గంట‌ల మ‌ధ్య ప్రధాని మోదీ కార్యక్రమం మహాకుంభమేళా కోసం రిజర్వ్ చేశారు.
- ఉద‌యం 11:45 గంట‌ల‌కు వారు పడవలో ఆరెల్ ఘాట్‌కు తిరిగి వస్తారు. ఆపై DPS హెలిప్యాడ్‌కు తిరిగి వెళ్లి ప్రయాగ్‌రాజ్ విమానాశ్రయానికి బయలుదేరుతారు.
- మ‌ధ్యాహ్నం 12.30 గంట‌ల‌కు ప్రధానమంత్రి ప్రయాగ్‌రాజ్ నుండి ఇండియన్ ఎయిర్ ఫోర్స్ విమానంలో బయలుదేరుతారు.
ఫిబ్రవరి 1 న, 77 దేశాల నుండి ఒక ప్రతినిధి బృందం స్నానం చేసింది
మూడు రోజుల క్రితం, ఫిబ్రవరి 1న, 77 దేశాల నుండి 118 మంది సభ్యుల బృందం మహాకుంభంలో పవిత్ర స్నానం చేసింది. ఇందులో పలు దేశాల దౌత్యవేత్తలతో పాటు వారి కుటుంబసభ్యులు కూడా పాల్గొన్నారు. మహాకుంభంలో మునిగిన 77 దేశాల్లో రష్యా, మలేషియా, బొలీవియా, జింబాబ్వే, లాత్వియా, ఉరుగ్వే, నెదర్లాండ్స్, మంగోలియా, ఇటలీ, జపాన్, జర్మనీ, జమైకా, అమెరికా, స్విట్జర్లాండ్, స్వీడన్, పోలాండ్, కామెరూన్, ఉక్రెయిన్, స్లోవేనియా వంటి దేశాల దౌత్యవేత్తలు పాల్గొన్నారు. పర్యటన ఏర్పాట్లపై దౌత్యవేత్తలు సంతోషం వ్యక్తం చేశారని యూపీ ప్రభుత్వం ఒక ప్రకటనలో తెలిపింది.