1 Lakh for BCs : బీసీలకు లక్ష సాయం..దరఖాస్తులకు లాస్ట్ డేట్ జూన్ 20

1 Lakh For Bcs

తెలంగాణలోని బీసీ వర్గాల కుల, చేతివృత్తిదారులకు రూ.లక్ష ఆర్థికసాయం(1 Lakh for BCs) అందించే స్కీంకు సంబంధించిన దరఖాస్తుల ప్రక్రియ మొదలైంది. ఈ నెల 20 వరకు అర్హులైన వారు  అప్లికేషన్లు ఇవ్వొచ్చు. దరఖాస్తుల స్వీకరణ కోసం రూపొందించిన https://tsobmmsbc.cgg.gov.in వెబ్‌సైట్‌ ఇప్పటికే ప్రారంభమైంది. ఈ లోన్(1 Lakh for BCs) తీసుకునేవారు వృత్తి పనిముట్లు, ముడిసరుకులు కొనుగోలు చేసుకోవాలి. అభ్యర్థుల వయస్సు జూన్‌ 2 నాటికి 18 -55 ఏండ్లు ఉండాలి. వార్షిక ఆదాయం గ్రామీణ ప్రాంతాల్లో 1.50 లక్షలు, పట్టణ ప్రాంతాల్లో రూ.2 లక్షలకు మించకూడదు.కుటుంబంలో ఒక్కరికి మాత్రమే వృత్తుల అభ్యున్నతికి ఆర్థిక సాయం అందిస్తారు. గత 5 ఏండ్లలో ఏ ప్రభుత్వ శాఖ ద్వారా కూడా లబ్ధిపొందినవారు, 2017-18లో రూ.50 వేల ఆర్థిక సాయం పొందిన వారు అనర్హులు.

Also read : KCR Strategy: కేసీఆర్ మైండ్ గేమ్.. ప్రత్యర్థిని తేల్చేసిన గులాబీ బాస్!

దరఖాస్తు చేయడం ఇలా..

• https://tsobmmsbc.cgg.gov.in వెబ్‌సైట్‌లో అభ్యర్థులు దరఖాస్తు చేసుకోవాలి.
• రేషన్‌కార్డు, కుల, ఆదాయం ధ్రువీకరణ పత్రాలు, ఆధార్‌కార్డు, బ్యాంక్‌ పాస్‌బుక్‌, పాస్‌పోర్ట్‌ సైజ్‌ ఫొటోను దరఖాస్తును సమర్పించాలి.
• జూన్‌ 20 నుంచి జూన్‌ 26 వరకు మండలస్థాయిలో ఎంపీడీవోలు, మున్సిపాలిటీల్లో మున్సిపల్‌ కమిషనర్లు క్షేత్రస్థాయికి వెళ్లి దరఖాస్తుదారుల వివరాలను పరిశీలిస్తారు.
• జిల్లా కలెక్టర్‌ అధ్యక్షతన ఏర్పాటైన కమిటీకి ఆ రిపోర్ట్ ను అందిస్తారు.
• రూ.లక్ష ఆర్థిక సాయం కోసం ఎంపికైన లబ్ధిదారుల జాబితాను ఆన్‌లైన్‌లో ప్రకటిస్తారు.
• లబ్ధిదారుడి బ్యాంకు ఖాతాలో రూ.లక్ష వేస్తారు.