సీనియర్ యాక్టర్ శరత్ కుమార్ కూతురు వరలక్ష్మి శరత్కుమార్ (Varalakshmi Sarathkumar) కు కేరళ ఎన్ఐఏ అధికారులు నోటీసులు జారీ చేశారు. కేరళలో భారీగా పట్టుబడ్డ డ్రగ్స్ కేసుకు సంబంధించిన విచారణ కోసం ఆమెకు సమన్లు ఇచ్చారు. ఈ కేసులో వరలక్ష్మి మాజీ పీఏ ఆదిలింగం కీలక నిందితుడిగా ఉన్నాడు. అతడి వివరాలను సేకరించేందుకు వరలక్ష్మిని విచారణకు రావాలని ఆదేశించినట్లు తెలుస్తుంది.
కేరళలోని విళంజియం సమీపంలో ఇటీవల కాలంలో భారీగా డ్రగ్స్ పట్టుబడ్డాయి. ఆ కేసులో ఆదిలింగంను ఎన్ఐఏ అదుపులోకి తీసుకుని ప్రశ్నిస్తోంది. డ్రగ్స్ సరఫరాతో వచ్చిన డబ్బులను అతడు సినిమాల్లో పెట్టుబడి పెట్టినట్లు ఎన్ఐఏ గుర్తించింది. ఈ కేసులో వరలక్ష్మి (Varalakshmi Sarathkumar) కి ఏమైనా సంబంధం ఉందా? గతంలో ఈమెకు ఆదిలింగం డ్రగ్స్ సరఫరా చేశాడా? అనే వివరాలను కూడా ఎన్ఐఏ రాబట్టే అవకాశం ఉందని అధికార వర్గాల సమాచారం.
Also Read: Delhi Woman Guard Rape : మహిళ సెక్యూరిటీ గార్డ్ ఫై అత్యాచారం