Nepal Plane Crash: నేపాల్ లో కూలిన తారా విమానం…!

నేపాల్‌లో అదృశ్య‌మైన విమానం కూలిపోయింద‌ని అధికారులు ప్ర‌క‌టించారు. పోఖారా నుంచి టిబెట్‌కు ఆనుకుని ఉన్న ముస్తాంగ్ జిల్లాలోని జోమ్‌సోమ్‌కు నలుగురు భారతీయులతో సహా 19 మంది ప్రయాణికులతో వెళ్తున్న తారా ఎయిర్‌ప్లేన్ ఆదివారం లేటే హిల్ ఏరియా సమీపంలో కూలిపోయింది.

పర్వత పట్టణం జోమ్సోమ్‌కు 15 నిమిషాల షెడ్యూల్ లో బయలుదేరిన విమానం టేకాఫ్ అయిన కొద్దిసేపటికే ఏటీసీతో సంబంధాలు కోల్పోయింది. దీంతో ఆ విమానం కూలిపోయిన‌ట్లు అధికారులు ధృవీక‌రించారు. అందులో నలుగురు భారతీయులు, మరో ఇద్దరు విదేశీయులు కాగా.. మిగిలిన ప్రయాణికులు నేపాలీ పౌరులు ఉన్నార‌ని అధికారులు తెలిపారు.