Nirbhaya Father: నిర్భయ అత్యాచార ఘటన జరిగిన పదకొండేళ్లలో చాలా మార్పు వచ్చిందని నిర్భయ బాధితురాలి తండ్రి అన్నారు. నరేంద్ర మోదీ ప్రభుత్వం దేశాన్ని చారిత్రాత్మక శిఖరాలకు తీసుకెళ్లి ఉండవచ్చని, అయితే మహిళల భద్రత, వారిపై దాడుల్ని అరికట్టడంలో ఇప్పటి వరకు ప్రత్యేకంగా ఏమీ చేయలేకపోయిందని ఆయన అన్నారు.
2012 డిసెంబర్ 16 రాత్రి ఢిల్లీలో కదులుతున్న బస్సులో 23 ఏళ్ల ఫిజియోథెరపీ ట్రైనీని ఆరుగురు వ్యక్తులు అత్యాచారం చేసి, దేహశుద్ధి చేసి బస్సు నుంచి కింద పడేశారు. ఆమె డిసెంబర్ 29న సింగపూర్లోని మౌంట్ ఎలిజబెత్ ఆసుపత్రిలో మరణించింది. ఘటన జరిగిన 11 ఏళ్ల తర్వాత శనివారం నాడు బల్లియా జిల్లాలోని తన గ్రామంలో నిర్భయ తండ్రి తన కుమార్తెకు కన్నీటి నివాళులర్పించారు. ఈ సందర్భంగా దేశంలో పరిస్థితులు ఏమీ మారలేదని మరియు నేటికీ మహిళలు సురక్షితంగా లేరని అభిప్రాయపడ్డారు. చట్టం మారదని అయితే పోలీసు వ్యవస్థ పనితీరు మెరుగుపడాలని అన్నారు.
Also Read: Bandi Sanjay : కేసీఆర్ కుటుంబ సభ్యుల పాస్పోర్టులు సీజ్ చేయాలి – బండి సంజయ్