Miss World 2025: మిస్ వరల్డ్ 2025 గ్రాండ్ ఫినాలే ఈ రోజు సాయంత్రం 6:30 గంటలకు (IST) హైదరాబాదులోని హైటెక్స్ (HITEX) ఎగ్జిబిషన్ సెంటర్ లో జరగనుంది. ఇది 72 వ ఎడిషన్ కాగా, తొలిసారిగా భారత్ ఈ ప్రతిష్టాత్మక అంతర్జాతీయ అందాల పోటీలో ఆతిథ్యం వహిస్తోంది. ప్రపంచవ్యాప్తంగా వచ్చిన అందగత్తెల మధ్య పోటీకి న్యాయం చెప్పే బాధ్యత ఒక ప్రత్యేకమైన జడ్జుల బృందానికి అప్పగించబడింది.
జడ్జులగా ఉన్న 5 ప్రముఖులు వీరే:
ఈ పోటీకి న్యాయనిర్ణేతలుగా పలువురు ప్రముఖులు వ్యవహరించనున్నారు. బాలీవుడ్ నటుడు సోనూ సూద్, మేఘా ఇంజినీరింగ్ గ్రూప్ డైరెక్టర్ సుధా రెడ్డి, 2017 మిస్ వరల్డ్ విజేత మానుషి చిల్లర్, క్రిస్టీనా పిస్కోవా – ప్రస్తుత మిస్ వరల్డ్, జూలియా మార్లీ – మిస్ వరల్డ్ సంస్థ చైర్‌పర్సన్ జడ్జిలుగా ఎంపికయ్యారు. అందగత్తెల నైపుణ్యం, అందం, అభిప్రాయ వ్యక్తీకరణ తదితర అంశాలను పరిశీలించి, విజేతను నిర్ణయించనున్నారు.
ఈ కార్యక్రమాన్ని మరింత రంజింపజేసేందుకు స్టేజ్‌పై జాక్విలిన్ ఫెర్నాండెజ్ మరియు ఈషాన్ ఖట్టర్ లైవ్ పెర్ఫార్మెన్స్ ఇవ్వనున్నారు. జాక్విలిన్ తాజాగా విడుదలైన హౌస్‌ఫుల్ 5 లోని లాల్ పరీ పాటలో తన డాన్స్‌తో ఆకట్టుకుంది. ఇక ఈషాన్ ఖట్టర్ రాయల్స్ వెబ్ సిరీస్‌లో ప్రిన్స్ పాత్రతో ప్రసిద్ధి చెందాడు. అంతేకాకుండా, భారతదేశానికి గర్వకారణంగా నిలిచిన మిస్ వరల్డ్ 2017 విజేత మానుషి చిల్లర్ కూడా ఈ వేడుకకు ప్రత్యేక అతిథిగా హాజరవుతారు.
ఈ రాత్రి కేవలం అందాల వేదిక మాత్రమే కాదు, ఇది మహిళా శక్తీ, సామాజిక సేవ, మరియు గ్లోబల్ ఐక్యతకు ప్రతీకగా నిలవనుంది. ఇప్పుడు అందరి దృష్టి – 2025 మిస్ వరల్డ్ కిరీటం ఎవరిదవుతుందో అన్నదానిపై ఉంది.