తెలంగాణ మంత్రి మల్లారెడ్డి నివాసం, ఆయన కాలేజీలు, బంధువుల నివాసాల్లో నిన్నటి నుంచి ఐటీ సోదాలు జరుగుతున్నాయి. ఈ సోదాలు భారీగా నగదును ఐటీ అధికారులు సీజ్ చేశారు. మరోవైపు మల్లారెడ్డి కుమారుడు మహేందర్ రెడ్డి ఇంట్లో కూడా నిన్నటి నుంచి ఐటీ అధికారులు సోదాలు నిర్వహిస్తున్నారు. ఈ సమయంలో మల్లారెడ్డి కుమారుడు మహేందర్ రెడ్డి అస్వస్థతకు గురైయ్యారు. ఛాతీలో నొప్పి రావడంతో కుటుంబ సభ్యులు ఆయన్ని సూరారంలోని ఆస్పత్రికి తరలించారు.