చాలామంది పాములంటే గజగజా వణికిపోతారు. పాము ఉందని తెలిస్తే అటు వైపే కన్నెత్తి చూడరు. అలాంటిది పాములతో కలిసి డ్యాన్స్ చేస్తే ఎలా ఉంటుంది. ఊహించుకుంటే…భయంతో వణికిపోతున్నారు కదూ. కానీ తాజాగా ఓ వ్యక్తి రెండు భారీ కొండచిలువలతో కలిసి డ్యాన్స్ చేస్తున్న వీడియో ఒకటి వైరల్ గా మారింది. ఆ వీడియోను వరల్డ్ ఆఫ్ స్నేక్స్ అనే ఇన్ స్టాగ్రామ్ హ్యాండిల్ లో షేర్ చేశారు.
ఆ రెండు కొండచిలువలు ప్రపంచంలోనే అతి పొడవైనవని ఆ వ్యక్తి ఇన్ స్టా హ్యాండిల్లో పేర్కొన్నారు. ఆ రెండు కొండచిలువలను ఇండోనేషియాకు చెందిన ఓ వ్యక్తి భుజాలపై వేసుకుని బ్యాగ్రౌండ్ లో వస్తున్న బీట్ కు అనుగుణంగా డ్యాన్స్ అదరగొట్టాడు. ఈ వీడియోను ఇన్ స్టాలో షేర్ చేసిన వెంటనే తెగ వైరల్ అయ్యింది. ఇప్పటికి 44వేలకు పై లైక్స్ వచ్చాయి. ఆ వ్యక్తి ధైర్యానికి చాలా మంది నెటిజన్లు విస్తుపోతున్నారు.